Yunani
Yunani atau sacaro rasmi Republik Helenik adolah sabuah nagara di Eropa Tenggara. Talatak di ujuang selatan samananjuang Balkan,[1] Yunani babatehan jo Albania di barat laut, Makedonia Utara jo Bulgaria di utara, sarato Turki di timur. Ibu kotanyo iolah Athena. Sakitar 80% wilayah Yunani tadiri dari pagunuangan atau pabukitan, manjadiannyo ciek dari nagara bagunuang-gunuang di Eropa. Gunuang tatinggi di nagara ko iolah Gunuang Olympus jo katinggian 2.918 meter, nan sacaro mitologi marupokan tampek tingga para dewa-dewa Yunani.[2]
Politik Yunani barado dalam karangko demokrasi perwakilan parlementer, di mano Presiden adolah kapalo nagara jo Pardana Mantari sabagai kapalo pamarentahan, sarato sistem multi-partai. Presiden dipiliah dek parlemen untuak maso jabatan 5 tahun.[3] Presiden kamudian manunjuak surang Pardana Mantari dari anggota parlemen.[4] Kuaso legislatif dipacik dek Parlemen nan tadiri dari 300 anggota.[5] Pangadilan independen dari eksekutif jo legislatif.
Panduduak nagara ko dipakiroan sabanyak 10,6 juta jiwa pado tahun 2022.[6] Konstitusi nagara manyatokan Ortodoksi Timur sabagai agamo nan balaku di nagara ko, namun manjamin kababasan baagamo satiok urang.[7]
Rujuakan
[suntiang | suntiang sumber]- ↑ "UNITED NATIONS GROUP OF EXPERTS ON GEOGRAPHICAL NAMES: Working Paper No. 48" (PDF). UN. 2006. Diakses tanggal 2 September 2015.
- ↑ "Olympus the First National Park". Management Agency of Olympus National Park. 2008. Diarsipkan dari versi asli tanggal 14 January 2017. Diakses tanggal 5 December 2015.
- ↑ "Government and Politics". Mfa Greece.
- ↑ "Constitution of Greece". hri.org.
- ↑ "Hellenic Parliament".
- ↑ "Population on 1 January by age and sex". Eurostat. 2023. Diarsipkan dari versi asli tanggal 21 January 2022. Diakses tanggal 31 March 2023.
- ↑ "The Constitution of Greece". Hellenic Resources Network. Diarsipkan dari versi asli tanggal 2 October 2017. Diakses tanggal 4 October 2014.