ژوئیه ۲۰۲۴
دچی‌ین
۴
دچی‌ین
۵
- بریتانیا دله پارلمون انتخابات برگزار بیه که کارگر حزب ویشتر رأی بیارده و اسا ونه کیر استارمر دولت بساجه.
دچی‌ین
۶
- مسعود پزشکیان ایران رییس‌جمهور بیه. ونه رأی شونزه میلیون جه یور بیه.
دچی‌ین
۷
- مازرون پنج‌تا خجیر جا ره ایران ملی آثار درون اىضافه هاکردنه: غار باد و لک‌لک، فرح‌آباد چالوس اسپه‌دارون، خبکندی ئوشار (عاروس) مران و دو اثر چنار گیل محله امامزاده سیدرضا و امامزاده عبدالحی افرا دارون.
دچی‌ین
۸
- فرانسه پارلمونی انتخابات دله نو مردمی جبهه ویشترین رأی ره بیارده و امانوئل ماکرون حزب دوم بیه و وشون پشت‌په دست‌راستی افراطیون رأی بیاردنه. ظارا هیچ‌کمین‌تا نتونه تیناری دولت تشکیل هادن و اکثریت مطلق ندارنه. نخست‌وزیر هم شه ره کنار بکشی‌یه تا نو دولت بساجن.
دچی‌ین
۱۰
- ویکتور اوربان که مجارستون رییس‌جمهور هسته ، اروپای اتحادیه دوره‌ای ریاست ره باعث هاکرده و خله کشورون ره سفر هاکرده. وه گنه که بصتینکلا خانه شرقی کشورون ره صلح راه په هکشه. وه اکراین، روسیه، تورک کشورون و چین رییس-رؤسا جه هنیشته و گپ بزو.
دچی‌ین
۱۱
دچی‌ین
۱۲
دچی‌ین
۱۳
- پاریس ۲۰۲۴ المپیک دله فقط آزاد کشتی ۷۴ کیلوگرم وسه سه‌تا ایرانی کشتی‌گیر شرکت کانه. یونس امامی رسماً ایران نماینده وونه ولی علی ارسلان و ایمان مهدوی که هر دتا مازرونی هستنه ، صربستون و پناهندگون المپیکی تیم دله درنه.
- اسراییل گنه محمد ضیف ره بکوشته. وه حماس نظامی رییس هسته که چندین کش ترور جه جان بدر بَورده. حماس این خور ره درو بخونسته. اسراییلی‌ها ۷۰ نفر ره این حمله دله بکوشتنه.
دچی‌ین
۱۴
- دونالد ترامپ ره پنسیلوانیا دله ترور هاکردنه که زنده جان بدر بورده.
دچی‌ین
۱۵
- یورو ۲۰۲۴ دله ایسپانیا فینال ره انگلیس جه ۲-۱ بَورده و قهرمون بیه. نیکو ویلیامز و اوریزابال ایسپانیای د گل ره بزونه و پالمر انگلیس اتا ره بزو.
- کوپا آمریکا ۲۰۲۴ فینال دله آرجانتین ۱۲۰ دقه بازی په، ۱-۰ کلمبیا ره لائوتارو مارتینز گل جه اواخر بورده و شه دور قبل قهرمونی جه دىفاع هاکرده .
دچی‌ین
۱۸
- ایران کاروان، ۲۰۲۴ تابستونی المپیک دله ۴۰ نفر بینه که یک‌پنجم مازرون آدم هستنه. ۳۱ اوستان کشور جه، ۱۵ اوستان المپیکی ورزشکار دارنه که مازندران ویشترین سهم ره دارنه و ونه پشت‌سر تهران و خوزستان درنه.
- هانیه رستمیان در تیراندازی ، حسن یزدانی، امیرحسین زارع و رحمان عموزاد در کشتی آزاد ، محمدهادی ساروی در کشتی فرنگی، نیما و نوشاد عالمیان در تنیس روی میز و محمدنبی رضایی در قایقرانی، مازرونی ورزشکارون هستنه که درشونه پاریس. ساری، خلیل‌مله، جوبار، آمل، بابل و بابلسر ۶ شهری هستنه که نماینده دارنه. (بلاغ)
دچی‌ین
۱۹
- یمن انصارالله اتا انتحاری پهپاد برسنینه اسرائیل و تل آویو شهر ره بزونه که وشون هدف آمریکای متحده ایالات سفارت جه انده کار ناشته. اقلا ات نفر بمرده و ده نفر سر گوم هسته. (اسراییل تایمز)
دچی‌ین
۲۰
- بنگلادش دله معترض دانشجوشون مملکت ره بهم بشنینه. وشون اعتراض اون گدر شروع بیه که ایثارگرون سهمیه ره اتا دادگاه وردگاردنی‌یه. بی کاری بنگلادش دله گت مشکل هسه و استخدامی آزمون دله هر کارسی وسه هزار نفر شرکت‌کننده امتحان دنه. همین‌سه سهمیه خله مهم حىساب وونه. ده‌ها نفر اعتراضات دله بمردنه و اسا دولت حکومت نظامی اعلام هاکرده.
- اسراییل نیرو هوایی جه حدیده بندر ره بزو و یمن انصارالله جواب ره هادا.
دچی‌ین
۲۱
دچی‌ین
۲۲
- جو بایدن شه خد ره ریاست جمهوری انتخابات جه کنار هکشی‌یه. وه پیش از این نخاسته کنار بوره ولی دموکراتون وه ره سیب دینگونه. اسا کاملا هریس ونه دموکراتون کاندید بوو. وه اولین زنی بی‌یه که معاون اول مقوم ره بایدن حکومت دله بدست بیارده. پیش‌بینی‌ها گنه دونالد ترامپ یحتمل این‌صوه ویشته رأی یارنه.
دچی‌ین
۲۳
- فتح و حماس گروه هنیشتنه و پکن دله اتا پیمون دوستنه که شه پیته درگیری ره بوسنن و آشتی هاکنن تا تونن اتا متحد دولت فلسطین دله بساجن.
- سپاه و ارتش مازرون دریا دله هم‌بازی مانور بشتنه.
دچی‌ین
۲۴
- المپیک کمیته باته زمستونی المپیک وسه، سال ۲۰۳۰ فرانسه‌ی آلپ میزبان وونه و ۲۰۳۴ المپیک هم آمریکای یوتا جه رسنه. وشون فلسطین بخاستی که اسراییل ره این‌صوه حذف هاکنن جه هم مخالفت هاکردنه و باتنه سیاسی و ورزشی مسیله ره پشو نزمبی.
دچی‌ین
۲۵
دچی‌ین
۲۷
- ایران ره گرمی وسه ات روز سراسری تعطیل هاکردنه. بلومبرگ
- پاریس ۲۰۲۴ المپیک افتتاح بیه. ونه مراسم سن درکا ور برگزار بیه و ر-ژ ره ئو دله لوتکا پشتی بیتنه.
دچی‌ین
۲۹
- نیکولاس مادورو سومین دوره وسه، ونزوئلا رییس جمهور انتخاب بیه.
- میان‌کاله تالاب تش دکته و ۵۵ هکتار بسوته.
دچی‌ین
۳۱
- اسراییلی‌شون تهران دله اسماعیل هنیه ره ترور هاکردنه و بکوشتنه. هنیه حماس تشکیلات رییس بی‌یه که پزشکیان مراسم وسه بمو بی‌یه ایران. سپاه پاسداران و محمود عباس اینتا خور ره تأیید هاکردنه. اسراییل هنتا هچی ناته، ولی احتمال شونه که پَئروز مجدل شمس حمله تلافی وسه این کار ره هاکرد بوئن.
اسایی دکته‌ئون تلمبار