Dei aller fleste var nybyrjarar, nokre hadde bidrege med foto og/eller tekst, og nokre hadde også registrert seg, og hadde forfatta (sjå ev. bokmålswikipediaen):
Wiki: alle kan bidra, alle revisjonar blir lagra i historikken (inkje forsvinn), ingen har einerett til noko innhald, du skriv «kjeldekode». -pedia: innhaldet skal vere «leksikalt», Wikipedia er ikkje staden for dikt og forteljingar.
Wikipedia er fritt tilgjengeleg og redigerbart for alle.
Wikipedia har reglar for etikette.
Wikipedia har ikkje permanente reglar (bortsett frå desse).
Wikipedia er eit sosialt nettsamfunn: lite hierarki, men «administratorar» og «byråkratar», byrja utan reglar, omfattande regelsett har etterkvart blitt utvikla, ikkje ver usosial så unngår du ein kalddusj!
Registrering er viktig for å bli teken seriøst, for å halde oversikt over eigne bidrag, og for å få jobba i fred. Det er også lettare å forholde seg til eit namn.
Du vil få ei brukarside og ei brukardiskusjonsside knytt til brukarnamnet ditt. T.d. brukar:dittaeva, brukardiskusjon:dittaeva. På brukarsida presenterer du deg sjølv, på brukardiskusjonssida kan andre brukarar ta kontakt med deg og drøfte endringar du har gjort.
Det er god kotyme å presentere seg sjølv, og eventuelle intensjonar, forventingar og rollar (privat, jobb) på brukarsida. Sjå t.d. Brukar:Sigrunespe. Det er ei vanleg wiki-side så den må ryddast og kan redigerast av andre.
Start med å registrera dykk og opprett artiklane på eiga brukarsida. Bruk lenkjene me laga over og begynn på din artikkel. Du kan bruka malane {{spire}} og {{kurs pågår}} (mal:spire og mal:kurs pågår) før du lagrar, eller legg det inn på ei underside av brukarsida di.
Bilete, video og lydfiler til bruk i artiklar skal leggjast ut på Wikimedia Commons slik at dei kan brukast på alle Wikimedia-prosjekt, og slik at administrasjon blir enklare og sentral. På Wikipedia Commons kan du også søke etter bilete.
Bilete på Wikipedia skal vere like «frie» som resten av innhaldet.
Det vil seie at du må ha rett til å publisere dei under vilkåra i CC-BY-SA 3.0 (sjå teksten under redigeringsboksen).
Hovudregelen er at du brukar eige materiale, eller materiale med kompatibel lisens:
Malar er sider med standardinnhald, gjerne funksjonalitet som blir brukte til å leggja inn eller formatera innhald på andre sider. Dei held til i «mal»-namnerommet. Du kan inkludere innhaldet frå ein mal slik: {{døme på mal}}. Denne sida nyttar fleire malar. Dei er lista nederst på sida under redigeringsboksen.
Malar blir ofte brukt til faktaboksar som ofte blir nytta om institusjonar, personar og andre fenomen som har typiske fellestrekk.
På kurset i Førde oppdaga vi at infoboksen for museum berre fungerte på bokmål. Sigrun gjekk difor inn på dikusjonssida til Infobokser i nynorsk Wikipedia og spurde om nokon kunne opprette ei slik infoboks ogå på nynorsk. Dette vart gjort innan ein halvtime. Diskusjonen kan de sjå på Kategoridiskusjon:Infoboksar.
Eitt av hovudkriteria for å skrive om noko på Wikipedia, er at ein kan underbyggje det med eksterne kjelder. Desse kan visast til med fotnotar. Sjå elles Wikipedia:Bruk_av_kilder.
Kvar er det blitt av «Verktøy > Last opp fil» for nye brukarar!? Eg hadde det i mitt brukargrensesnitt, men det var ikkje å finna i dei nye brukarane sitt brukargrensesnitt. Det var likevel ikkje noko problem å laste opp til Commons (ved å gå dit direkte).
Lenk til den nye Commons opplastar-wizarden slik som dei gjer på bokmålswikien, ver så snill, den er mykje enklare å forholde seg til for nybyrjarar.
Malar på bokmålswikien ikkje til stades eller inkomplette
mal:koord brukar «vising» istaden for «vis», er «vis» mindre nynorsk?
Malen er ikkje basert på malen på bokmål og vart laga før denne i det heile eksisterte på bokmål. Prøvde å legge det til slik at ein kan nytte både vis og vising, men fekk det ikkje til. Ei endring vil innebere at titusenvis av artiklar som nyttar denne malen må endrast. Men «vising=tekst» skal no fungere (i tillegg til «vising=tekst,pålinje» og «vising=pålinje,tekst»). --Frokor (diskusjon) 8. november 2012 kl. 12:37 (CET)
Søk på Nynorsk Wikipedia (og ev. bokmålswikipediaen) viser ikkje til søk på nb og omvendt. Har gjort det før.
Når ein kjem til ikkje-eksisterande diskusjonssider så gjer MediWiki-meldinga beskjed om at «SIDETITTEL» (erstatta av sjølve sidetittelen) ikkje eksisterer, medan den burde gje beskjed om at «Diskusjon:SIDETITTEL» ikkje eksisterar. På translatewiki har er erstatta heile meldinga med utgangspunkt i meldinga frå nb-wiki, på Nynorsk Wikipedia har eg fiksa litt på ho.
Knapperada i endringsboksen har ikkje knappar for klammer ([[]]{{}}, osb.) slik som på bokmålswikipediaen.
Denne skal vere der, men det er stundom (kanskje 1 av 10 gonger hos meg i Firefox) problem at han ikkje dukkar opp under innlasting av ei side når ein trykker «endre». Kva som gjer dette veit eg ikkje, og heller ikkje om dei har same problemet på bokmål. Om problemet er større i andre nettlesarar er eg heller ikkje kjend med. Koden for knapperada er derimot kopiert frå bokmålsutgåva, så dei skal vere identiske. Løysinga mi er å laste sida på nytt. --Frokor (diskusjon) 8. november 2012 kl. 12:37 (CET)
Ok, eg har ikkje tid til å sjå meir på det no. --Guttorm (diskusjon) 8. november 2012 kl. 18:02 (CET)
Det er dobbelt opp med tilgang til spesialteikn; både i knapperada over redigeringsboksen, og i ein boks under redigeringsboksen.
Overskriftsknappen i knapperada er villeiande når ein kan velje mellom «Nivå 1», «Nivå 3», osb... når «Nivå 1» faktisk er nivå 2. Eg meiner at «Nivå 1» burde omdøypast til «Nivå 2», men eit alternativ er å behalda «Nivå 1» og omdøypa dei andre nivåa slik at det ikkje blir gap. Eg har ikkje sjekka korleis det er på andre språk, men slik det er no blir det feil okke som.--Guttorm (diskusjon) 7. november 2012 kl. 21:20 (CET)
