William Marlin
| William Marlin | ||
|---|---|---|
| ||
| Di 3 Promé Minister di Sint Maarten | ||
| Termino di oficina 19 di novèmber 2015–24 di novèmber 2017 | ||
| Monarkia | Willem-Alexander | |
| Antecesor | Marcel Gumbs | |
| Sucesor | Rafael Boasman | |
| Miembro di Parlamento di Sint Maarten | ||
| Termino di oficina 2018–9 di febrüari 2024 | ||
| Presidente di Parlamento | ||
| Termino di oficina 25 di sèptèmber 2019–10 di febrüari 2020 | ||
| Antecesor | Sarah Wescot-Williams | |
| Sucesor | Rolando Bryson | |
| Minister di Bibienda, Planifikashon Urbano, Medio Ambiente i Infrastruktura | ||
| Termino di oficina 21 di mei 2012–14 di yuni 2013 | ||
| Antecesor | Theo Heyliger | |
| Sucesor | Maurice Lake | |
| Informacion personal | ||
| Nacemento | 21 di òktober 1950 Kòrsou
| |
| Pareha | Gabrielle Brill | |
| Famia | ||
| Yui(nan) | 4 | |
| Informacion profecional | ||
| Ofishi | politiko | |
| Partido politico | National Alliance | |
Imagennan riba  Wikimedia Commons
| ||
| [Edita Wikidata] · [Manual] | ||
William V. Marlin (☆ 21 di òktober 1950 na Kòrsou) [1] ta un eks-polítiko di Sint Maarten di partido National Alliance ku durante 37 aña konsekutivo a okupá varios funshon polítiko.[1] E tabata e promé minister di Sint Maarten di 2015 pa 2017.[2][3][4]
Bida i karera
[editá | editá fuente]William Marlin a kuminsa su karera den enseñansa komo dosente na aña 1971 y na aña 1976 el a wòrdu nombrá kabesante di Leonard Conner School. E tabata praktika deporte i tabata un entrenadó internashonal sertifiká di vòlibòl. Marlin tabata tambe bon konosí den sírkulonan deportivo[5] i tabata aktivo komo dirigente den varios organisashon deportivo, entre otro den ramo di beisbòl, bokseo i vòlibòl.
Polítika
[editá | editá fuente]Na 1978 Marlin tabata kofundadó di partido St.Maarten Patriotic Movement (SPM)[1], ku a kambia nòmber pa St.Maarten Patriotic Alliance i na aña 2000, bou di liderazgo di Marlin, pa National Alliance. El a bira miembro di e konseho insular di Sint Maarten na 1987 i a keda re-eligí konsekutivamente for di e tempu ei te 2020, asta despues di e kambio konstitushonal pa pais Sint Maarten dia 10 di òktober 2010.
Marlin a fungi komo diputado den Kolegio Ehekutivo di Sint Maarten na varios okashon, di 1994-1995[6], 1995-1997 i 1997-1999. Despues el a sirbi atrobe komo diputado di Asuntunan Konstitushonal den e último kolegio ehekutivo di 2009-2010, durante kual periodo el a representá Sint Maarten durante e preparashonnan pa bira pais riba 10-10-10.[7]. Marlin a wòrdu eligí den Parlamento di Antias Hulandes pa promé biaha na 1994, pero a renunsiá despues di 3 luna pa regresa kas pa sirbi komo diputado. El a regresa den parlamento di 2002 te cu 2009.
Marlin a liderá partido SPA, i despues NA te 2018. E kantidat di voto mas altu ku el a risibí durante elekshon tabata 1.593 voto na aña 2007. Esun mas abou tabata 390 voto personal na 2020.[8] Despues ku NA a djòin un koalishon di gabinete Wescot-Williams II, Marlin a sirbi un aña komo minister di Bibienda, Planifikashon Urbano, Medio Ambiente i Infrastruktura (VROMI) i alabes visepremier di 21 di mei 2012 pa 14 di yüni 2013.
Gabinete Marlin I
[editá | editá fuente]Despues di elekshon di 2014, ora e mayoria entre e partidonan di koalishon a disparsé na òktober 2015, gabinete Gumbs a entregá su retiro. Sinembargo, esaki a wòrdu presedí pa desakuerdo tokante si mester forma un koalishon nobo òf nò. Finalmente, William Marlin a wòrdu nombrá komo formadó, pero gobernador Holiday tambe a yama elekshonnan nobo. Gabinete Marlin I a huramentá dia 19 di novèmber 2015 i tabata basá riba un mayoria minimo di 8 di e 15 asientonan den Parlamento di Sint Maarten. Marlin a purba di anulá e konvokashon pa elekshonnan nobo, ku tabata programá pa febrüari 2016, dor di manda un dekreto nashonal nobo pa gobernador i posponé esaki te 2018. Despues di krítika riba esaki, a traha un dekreto nashonal nobo komo kompromiso algun dia despues, e biaha aki firmá pa gobernador, ku e elekshon ta wòrdu konvoká pa sèptèmber 2016.
Gabinete Marlin II
[editá | editá fuente]Despues di e elekshon di 2016, gobernador di Sint Maarten a bolbe invita Marlin pa forma un gabinete. E di dos gabinete Marlin a keda formá, konsistiendo di National Alliance (NA), United St. Maarten Party (USP) i Partido Demokrátiko di Sint Maarten i tabata basá riba un mayoria di 10 di e 15 asientonan den parlamento. Dia 2 di novèmber 2017, parlamento a pasa un moshon di deskonfiansa kontra Marlin i sinku di su ministernan despues di orkan Irma.[9] Na e suministro di fondonan di ayudo gobièrnu Hulandes a akoplá kondishonnan; entre nan ku lo mester bin un Kamara di Integridat i kontrol adishonal na frontera. Marlin inisialmente a rechasá e kondishonnan ei, pero despues ku tres miembro di koalishon a firma un moshon di mesun tendensia, esaki a kousa ku e gabinete a pèrdè su mayoria.[10] Marlin a presentá e retiro di su gabinete na gobernador di Sint Maarten e mesun atardi ei.
Dia 10 di novèmber 2017, e parlamento a pasa un di dos moshon di deskonfiansa kontra Marlin, den kua Minister di Hustisia Rafael Boasman tambe a keda nominá komo promé minister interino. Dia 24 di novèmber 2017, Konseho di Minister a emití un instrukshon na Gobernador Holiday pa retira Marlin di inmediato. Di akuerdo ku Sekretario di Estado Raymond Knops di Relashonnan den Reino, Marlin a violá su huramentashon i e regla di konfiansa dor di no renunsiá despues di e di dos moshon di deskonfiansa.[11] E mesun dia ei, e gobernador a kumpli ku e direktiva dor di renunsiá Marlin i nombra Boasman komo Promé Minister i Minister di Asuntonan General.[12][13][14]
Marlin a wòrdu re-eligí komo miembro di parlamento den elekshonnan di 26 di febrüari 2018 i 9 di yanüari 2020. Durante e promé término el a sirbi komo Presidente di e Parlamento di Sint Maarten for di 25 di sèptèmber 2019 te 10 di febrüari 2020. Dia 9 di febrüari 2024 el a retirá di parlamento i di polítika aktivo.[1]
E ta kasá ku Gabrielle U. Brill i huntu nan tin 2 hòmber i 2 yu muhé. Na 2023 su yu hòmber, Cloyd Ohndhae Marlin, a djoin National Alliance ku e intenshon pa sigui den e pasonan di su tata.[15]
· 
· 
