Immobilek Juventusen hasi zuen futbolari profesional ibilbidea, 19 urterekin Serie A mailan debutatu zuenean. 2010eko uztailean, ACN Sienan jokatu zuen mailegu gisa utzirik, eta urtebete geroago ASD Grossetori utzi zion Juventusek, sei hilabetez. 2011ko abuztuaren 17an Pescara Calciori utzi zitzaion mailegu gisa.
2012ko ekainaren 18an Genoak, bere txartelaren erdia zuenez, bere taldean mantentzea eta beste talde batera ez eramatea erabaki zuen. Abuztuaren 18an egin zuen debuta Liguriako taldean, 2012-13 Italiako Kopako hirugarren jardunaldirako Hellas Veronaren aurka jokatutako partidan, Genoa penalti jaurtiketetan kanporatua izan zen partidan. 2014ko ekainaren 2an, Borussia Dortmundera transferitzea ofizial egin zen, talde alemaniarrarekin bost urteko kontratua sinatu zuen urtean lau milioi euroko soldatarekin. Dortmunden zorigaiztoko denboraldia igaro ondoren, Sevilla FC taldeak fitxatu zuen 2015eko udan, Torinori neguko merkatuan mailegatuta. Ondoren, Laziorekin fitxatu zuen; 2017ko irailaren 10ean hiru gol sartu zituen AC Milanen aurka bere taldearen 4-1 garaipenean.
2020an Urrezko Bota irabazi zuen hirugarren futbolari italiarra bihurtu zen, denboraldian zehar 36 gol sartu ondoren. [1] Kopuru horri esker, gainera, Gonzalo Higuaínek 2015-16 denboraldian lorturiko gol gehienen marka berdindu zuen[2].
Nazioartekoa izan da Italiako futbol selekzioarekin 46 aldiz eta 13 gol sartu ditu. [3] 2014ko martxoaren 5ean jokatu zuen lehen aldiz italiar selekzioarekin, espainiar selekzioaren kontra (0-1 galdu zuten italiarrek). 2014ko maiatzaren 13an, Italiako Selekzioko entrenatzaile Cesare Prandellik, 2014ko Munduko Futbol Txapelketara deitutako 30 jokalarien lehen zerrendan sartu zuen. [4] Ekainaren 1ean 23 jokalariko azken zerrendan baieztatu zuten. [5]