Нацыянальны парк Камода
Нацыянальны парк Камода (індан.: Taman Nasional Komodo) — прыродны нацыянальны парк у Інданезіі, створаны ў 1980 г. для аховы камодскага варана і іншых рэдкіх дзікіх жывёл. Уключае астравы Камода, Падар, Рынча і іншыя шматлікія малыя астравы паміж астравамі Флорэс і Сумбава. Агульная плошча — 219 322 га.
Нацыянальны парк Камода* | |
---|---|
Komodo National Park** | |
Сусветная спадчына ЮНЕСКА | |
![]() | |
Тып | прыродны |
Крытэрыі | vii, x |
Спасылка | 609 |
Рэгіён*** | Азія |
Гісторыя ўключэння | |
Уключэнне | 1991 (15 сесія) |
* Міжнародная канвенцыя «ЮНЕСКА» ** Назва ў афіцыйным англ. спісе *** Рэгіён па класіфікацыі ЮНЕСКА |
Геаграфія
правіцьНацыянальны парк Камода месціцца на некалькіх астравах Малога Зондскага архіпелага і таксама ўключае навакольную марскую прастору. Найбуйнейшыя астравы — Камода, Падар, Рынча, Гілі-Матанг. Часткова населены толькі Камода і Рынча. Усе астравы маюць вулканічнае паходжанне, характарызуюцца ўзвышшамі. Найвышэйшая гара Араб (823 м) знаходзіцца на востраве Камода.
Клімат трапічны. Вільготны сезон працягваецца са снежня да пачатку красавіка. У студзені сярэдняя колькасць ападкаў набліжаецца да 278 мм. Астатні перыяд засушлівы. Сярэдняя гадавая тэмпература 30°C — 32°C.
Прырода
правіцьФлора нацыянальнага парка Камода тыповая саванная. Доўгі засушлівы сезон спрыяў развіццю ксерафітаў. Найбольш вядомы жыхар астравоў — камодскі варан. Нацыянальны парк насяляе прыкладна 5700 гэтых жывёл. Іншыя наземныя жывёлы — дзікія буйвалы, алені, макакі, кажаны, коні, дзікі, цыветы, шматлікія птушкі. Марскую прастору нацыянальнага парка Камода насяляюць прыкладна 1000 відаў розных марскіх жывёл, у тым ліку рэдкія каралы, акулы, скаты, марскія чарапахі і г. д.
Галерэя
правіцьГл. таксама
правіцьСпасылкі
правіцьСусветная спадчына ЮНЕСКА, аб’ект № 609 рус. • англ. • фр. |
Komodo National Park даведнік на сайце Wikivoyage
- UNESCO.org
- meteoprog.by
- Wonderful Indonesia
- TED Case Studies Архівавана 27 жніўня 2015.