Dario Rigo
Dario Rigo, nado o 1 de abril de 1970 en Trissino, Vicenza (Italia), é un xogador de hóckey a patíns italiano que actualmente xoga na demarcación de defensa no Hockey Valdagno da Serie A1, a máxima categoría do hóckey a patíns italiano. Destaca a súa traxectoria no Hockey Novara, club no que xogou en tres etapas e co que gañou 12 títulos, incluíndo dous europeos.
Biografía | |
---|---|
Nacemento | 1 de abril de 1970 ![]() Valdagno, Italia (pt) ![]() ![]() |
Datos persoais | |
País de nacionalidade | Italia ![]() |
Altura | 183 cm ![]() |
Peso | 77 kg ![]() |
Actividade | |
Ocupación | xogador de hóckey a patíns , futbolista ![]() |
Lingua | Lingua italiana ![]() |
Deporte | hóckey a patíns ![]() |
Posición de xogo | Defensa ![]() |
Premios | |
![]() ![]() |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde abril de 2012.) |
Traxectoria
editarDario Rigo comezou a súa carreira como xogador de hóckey a patíns no equipo da súa cidade natal, o GSH Trissino, equipo no que xogou entre 1987 e 1991, ano no que asinou polo Hockey Novara. Estando no seu primeiro club conseguiu a medalla de ouro no Campionato de Europa celebrado en 1990 na localidade italiana de Lodi. Co Novara gañou unha Liga e unha Copa de Italia na súa última tempada (1992-93) e dúas Copas CERS consecutivas. Xogando no Hóckey Novara conseguiu coa selección italiana as medallas de prata no Campionato de Europa de Wuppertal (1992) e o Campionato do Mundo de Sesto San Giovanni (1993), ademais conseguiu a medalla de bronce nas Olimpiadas de Barcelona 1992.
Entre 1993 e 1996 xogou no Roller Monza, gañando unha Liga no seu último ano e unha Recopa de Europa o ano anterior, á vez gañaba as medallas de prata e bronce nos Campionatos de Europa de 1994 e 1996. En 1996 volveu a Novara, nesta segunda etapa no club piemontés gañou dúas Ligas e dúas copas de xeito consecutivo nos dous anos que xogou no club, e coa súa selección conseguiu as medallas de ouro no Mundial de 1997 e de bronce no Europeo de 1998. Na tempada 1998-99 pasou a xogar no Amatori Vercelli, e ao ano seguinte asinou polo H.C. Liceo da Coruña, mais nesta etapa non conseguiu gañar ningún título a nivel de clubs, mais gañando o bronce no Europeo de Wimmis do ano 2000.
Na tempada 2000-01 iniciou a súa terceira etapa no Hockey Novara, equipo no que xogou ata o 2002, ano da súa fichaxe polo Bassano 54, nesta terceira etapa conseguiu novamente dous dobretes consecutivos e dous bronces coa súa selección no Mundial do 2001 e no Europeo do 2002. En Bassano xogou ata a tempada 2007-08, no Bassano 54 gañou unha Liga (2003-04) e unha Copa (2004), foi na súa etapa en Bassano na última que conseguiu medallas coa súa selección, foron no Mundial do 2003 e no Europeo do 2004. Actualmente xoga no Hockey Valdagno, club polo que asinou no 2008 e co que na tempada 2009-10 gañou a Liga italiana.
Palmarés
editarClubs
editar- 5 Ligas italianas Serie A1: 1993, 1997, 1998, 2001 e 2002
- 5 Copas de Italia: 1993, 1997, 1998, 2001 e 2002
- 2 Copa CERS: 1992 e 1993
- 1 Liga italiana Serie A1: 1996
- 1 Recopa de Europa: 1995
- 1 Liga italiana Serie A1: 2004
- 1 Copa de Italia: 2004
- 1 Liga italiana Serie A1: 2010
Selección italina
editar- 1 Campionato do Mundo: 1997
- 2 pratas: 1993 e 2003
- 1 bronce: 2001
- 1 Campionato de Europa: 1990
- 3 pratas: 1992, 1996 e 2004
- 4 bronces: 1994, 1998, 2000 e 2002
Véxase tamén
editarA Galipedia ten un portal sobre: Hóckey a patíns |