Franz Karl Achard

Franz Karl Achard
	;
Nome orixinal	(de) Franz Carl Achard
Biografía
Nacemento	28 de xaneiro de 1753 ; Berlín
Morte	20 de abril de 1821 (68 anos); Wołów (pt)
Datos persoais
País de nacionalidade	Reino de Prusia
Actividade
Campo de traballo	Química
Ocupación	químico , físico , biólogo
Membro de	Academia Nacional das Ciências (Itália) (pt) (membro estranxeiro) (1786–); Accademia delle Scienze di Torino (1783–); Academia de Ciências da Baviera (pt) ; Galileiana Academy of Arts and Science (en) ; Real Academia das Ciencias de Suecia ; Academy of Science for Public Utility (en) ; Leopoldina ; Academia Prusiana das Ciencias
Lingua	Lingua alemá

Franz Karl Achard, nado en 1753 en Berlín e finado en 1821 en Wohlau foi un químico prusiano. Estableceu a primeira fábrica de azucre a partir da remolacha.

Traxectoria

Estudou física e química en Berlín, discípulo de Andreas Sigismund Marggraf, foi favorito do rei Frederico II de Prusia, ao que informaba das súas investigacións dúas veces por semana.

En 1776 foi elixido membro da Real Academia de Ciencias de Berlín.

Polos seus descubrimentos na aclimatación do tabaco en Alemaña, o rei concedeulle unha pensión vitalicia de 500 taler.

A partir do descubrimento, feito por Marggraf en 1747, de que a remolacha contiña azucre, deseñou un proceso para producir azucre da remolacha.

En 1801 co apoio do rei Frederico Guillerme III de Prusia, abriu a primeira refinaría en Wohlau, Silesia, Prusia (hoxe en Polonia). Abriu outras en Bohemia e en 1811 en Francia.

Os comerciantes británicos de azucre ofrecéronlle 200.000 taler por declarar marrados os seus experimentos, pero el rexeitou as súas proposicións. Co seu descubrimento o azucre deixou de ser un produto de luxo.

As súas refinarías quedaron en bancarrota en 1815 debido á incapacidade económica de Achard, e a diversos lumes causados por curtocircuítos.