Khalil Gibran

Gibran Khalil Gibran (جبران خليل جبران بن ميکائيل بن سعد; in syriaco: ܓ̰ܒܪܢ ܚܠܝܠ ܓ̰ܒܪܢ; Bisharri, Libano, 6 de januario 1883 – Nove York, Statos Unite, 10 de april 1931), etiam cognoscite simplemente como Khalil Gibran, esseva un essayista, philosopho, prosator, poeta, orator e pictor de origine libanese, cuje scriptos, plen de profunde e simple beltate e spiritualitate, ganiava le admiration del publico de tote le mundo.

Khalil Gibran
instantia de: esser human
sito web official: https://www.kahlilgibran.com/
Commons: Kahlil Gibran

In su relativemente curte, totevia prolific existentia (ille viveva a pena 48 annos), Khalil Gibran produceva obra litterari accentuate e artisticamente marcate per le mysticismo oriental, que – pro iste ration – attingeva popularitate in toto le mundo. Su obra, accentuatemente romantic e influentiate per fontes de apparente contrasto como le Biblia, Friedrich Nietzsche e William Blake, tracta de themas como le amor, le amicitate, le morte e le natura, inter alteres. Scribite in anglese e arabe, illo exprime le inclinationes religiose e mystic del autor. Su obra le plus cognoscite es le libro Le Propheta, que esseva originalmente publicate in le lingua anglese e traducite in innumerabile altere linguas in tote le mundo. Un altere libro eminente es Alas Partite, in que le autor parla de su prime historia de amor.

Gibran Khalil Gibran moriva le 10 de april 1931 (Nove York, Statos Unite de America), le causa del morte dicite de esser cirrhose e tuberculosis.

Opera selegite

• The Prophet, 1923 (Le Propheta). Il existe un version in Interlingua traducite de Martin Lavallée.
• Jesus, The Son of Man, 1928 (Jesus, Filio de Human)

Nota

Iste pagina contine material traducite ab Wikipedia in portugese. Le articulo original se trova a pt:Khalil Gibran, e es usate secundo le mandatos del licentia de Wikipedia.

Ligamines externe

Le Propheta traducite in interlingua per Martin Lavallée