22 de otobre

El 22 de otobre xe el 295° dì del ano secondo el całendàrio gregorian e el 296° inte i ani bixesti). Ghe manca 70 dì par la fin de l'ano.

Avegnimenti

• 794 – L'inperatore del Japon Kanmu sponesta ła capitałe japoneze a Heian-kyō (l'atuałe Kyoto)
• 1335 – L'inperatore del Japon Hanazono el renunsa a ła so carga par devegner un mònago budhista
• 1441 – A Firense se fa el Certame coronario
• 1707 – Arente de łe Ìzołe Scilly inte un dezastro navałe łe se nega cuatro nave de ła Royal Navy par colpa de l'incapasità de l'ecuipajo de saver ła so pozision justa, in reasion al dezastro el Parlamento ingleze el promulga el Longitude Act
• 1730 – El gnen finio el Canałe Ladoga
• 1797 – Inte el sieło sora Parize, André-Jacques Garnerin el fa ła primo lanso col paracadute che se conose
• 1895 – Insidente feroviàrio de ła stasion de Parize Montparnasse: el tren SNCF che el provegne da Granville el entra inte ła stasion de Parize Montparnasse sensa frenar fazendo uno dei pì spetacułari insidenti feroviari de ła stòria. El parché de l'insidente el ze oncora oculto
• 1907 – Pànego del 1907 – na specułasion su łe asion de ła Knickerbocker Trust Company el fa partir a na caena de avegnimenti che i portarà a na depresion econòmega
• 1913 – El dezastro de Dawson el ze el secondo insidente mineràrio pì sanguenàrio dopo cueło là de Monongah inte ła stòria dei Stati Unii de l'Amèrica e de l'emigrasion italiana.
• 1924 – Ła gnen fondada l'organizasion Toastmasters
• 1934 – A East Liverpool (Ohio), el tanto conosesto ladron de banche Pretty Boy Floyd el vien copà da ajenti del Federal Bureau of Investigation
• 1942 – Seconda guera mondiałe: i Liai i bonbarda inte ła notada ła sità de Zènoa. I more sentenari de siviłi
• 1943 – Seconda guera mondiałe: ła RAF el fa na serie de incursion aèree sora de ła sità de Kassel, in Zermània, copando 10.000 abitanti e dasàndoghene sensa un cuerto andove vìvar 150.000 inte un totałe de 236.000.
• 1953 – El Laos el se indipendentiza da ła Fransa
• 1957 – Guera del Vietnam: prime vìteme statunitensi in Vietnam
• 1962 – Crize dei mìsiłi de Cuba: El presidente statunitense John F. Kennedy el anunsa che i aèrei spia americani i ga descuerto arme nucleari sovièteghe a Cuba, e che el ga ordenà un bloco navałe su l'ìzoła
• 1964 – Cànada: un comità parlamentare multipartìtego el ełeze el dezegno de ła nova bandiera canadeze
• 1968 – Programa Apollo: l'Apollo 7 el fa l'amarajo inte l'Osèano Atlàntego
• 1972 – Guera del Vietnam: finise l'Ofensiva de Pàscua mentre a Saigon, Henry Kissinger e el presidente sudvietnamita Nguyễn Văn Thiệu i se cata par discórar de ła proposta de cesar el fogo fata a Parize intrà USA e Vietnam del Nord. Thieu el refuda ła proposta e el acuza i USA de cospirar par colpir ła stabiłità del so rezime
• 1978 – Scumisia el pontifegà de Papa Joani Poło II
• 1999 – Maurice Papon, pułìtego franseze, el vien inprezonà par crìmeni de guera
• 2004 – La revista de divulgasion sientìfega Nature, ła pùblega ła descuerta de na nova spece umana, Homo floresiensis, su l'Ìzoła de Flores, in Indonèzia
• 2007 – In Kurdistan ła ocore na lota armada, inte ła cuała i more 17 miłitari turchi
• 2008
  • Nase l'HTC Dream, primo smartphone co sistema oparadivo Android.
  • L'Ajensia Spasiałe Indiana ła lansa ła so prima mision lunare sensa ecuipajo co ła navezeła Chandrayaan-1
• 2009 – Microsoft ła delìbara el so novo sistema oparativo, Windows 7.
• 2017 – Se vota pal Referendum su l'Autonomia del Vèneto.

Nasesti

• 1844.
  • Sarah Bernhardt, atora francexe.

Feste e recorense

Rełijoze

• San Giovani Pagoło II, papa

In altri projeti

Altri progetti

• Wikimedia Commons

• Wikimedia Commons el detien imàjini o altri file so 22 de otobre