Bugui
Aparencia
Un bugui é un pequeno vehículo automóbil, normalmente de propulsión eléctrica, que se utiliza no golf para desprazarse polo campo de xogo.
Características
[editar | editar a fonte]É capaz de subir costas pinas, practicamente non estraga o terreo nin contamina e pode cargar con bastante peso. Nalgúns campos de golf poden alugarse e, ás veces, son réplicas de turismos clásicos. Debido a que o golf utiliza unha abundante terminoloxía en inglés en moitos idiomas, as súas formas están moi pouco asentadas e son moi variadas mesmo en ortografía (con u ou con oo, con g ou con gg, con y ou con ie), e este é o caso de bugui:
- portugués: buggy;
- castelán: buggy e máis raramente buggie;
- francés: voiturette, golfette;
- inglés: buggy, boogy, golf cart, cart, golf car;
- alemán: Golfmobil, Clubcar, Golfcar, Cart;
- neerlandés: handicart, golfbuggy;
- polaco: wózek golfowy;
Non debe confundirse con bogey, que no golf é a situación que se dá cando se queda a un golpe sobre par (cando se gasta un golpe máis có marcado para ese percorrido).