Википедия:Төркемләү
![]() |
Бу битнең кыскача аңлатмасы / Bu bitneñ qısqaça añlatması: Татар Википедиясе җәмгыяте бу мәсьәлә турында үз кагыйдәсен кабул иткәнче,![]() ![]() |
Бу бит Татар Википедиясе'нең киңәш-кулланмаларына керә. Тасвирланган тәртип буенча эш итү киңәш ителә. Әммә дә ләкин монда язылганы — догма түгел. Саф-сәламәт акылга нигезләнеп атлагыз. Бу битне үзгәрткәнче, сез кертергә уйлаган текст консенсуска туры килгәнен тикшереп алыгыз. Шөбхәләр туган очракта, аларны бәхәс битендә белдерсәгезче.
|
Бу биттә Татар Википедиясенең төркемләү функциясе, аның дөрес кулланылышы һәм Татар Википедиясендәге төркемләү эшчәнлеге турындагы киңәш-кулланма тасвирлана. Татар Википедиясенең төркемләү проекты өчен, ВП:Проект:Төркемләү битен карагыз.
Билгеләмә
[вики-текстны үзгәртү]Татар Википедиясенең төркемләү системасы - бер-берсенә керүче тематик төркемнәрдән торучы иерархик агач.
Төркемләү максаты
[вики-текстны үзгәртү]Төркемләү системасының үзәк максаты - укучылар берәр теманың ниндидер нигез мәгълүматы белән таныш булган очракта, бу үзенчәлек белән тасвирланган барлык Википедия битләренә төркемнәр иерархиясен навигация чарасы буларак кулланып җиңел ирешә алу мөмкинлеген булдыру.
Кулланучылар бәйле битләренә төркемнәрдән тыш башка юллары белән дә ирешә алалар - мәсьәлән исемлекләр һәм навигация калыплары. Бу техникаларны чагыштыру өчен, Төркемнәр, исемлекләр, һәм навигация калыплары (ингл.) битен карый аласыз.
Төркемләү мәсләкләре
[вики-текстны үзгәртү]Төркемләү системасының бердәмлеге
[вики-текстны үзгәртү]Татар Википедиясендә берәр темага караган мәгълүматның җиңел табыла алынуы өчен, бар битләр, аларны язуда кулланылган имләләренә карамастан, бердәм төркемләү системасына кертелә.
Төркемләнүнең мәҗбүрилеге
[вики-текстны үзгәртү]Бүгенге татар телен язуда куллану өчен кабул ителгән бар имләләрендә язылган бар мәкаләләр, калыплар, төркемнәр һәм башка битләр Татар Википедиясендә төркемләү системасында теркәлә.
Төркемләү системасы
[вики-текстны үзгәртү]Төркемләү имләсе
[вики-текстны үзгәртү]Элекке бюрократ тәкъдиме буенча консенсус барлыгы ачыклануы нигезендә Татар Википедиясенең битләрне төркемләү эше хәзерге заманда кулланышта булган кирилл имләсе нигезендәге татар әлифбасында алып барыла.
Төркемләү системасы башы
[вики-текстны үзгәртү]Төркемләү системасының иң югары дәрәҗәдәге Төркем:Барлык төркеменнән башлана.
Төркемнәр сайлау
[вики-текстны үзгәртү]Төркемнәрне сайлау мәсләге
[вики-текстны үзгәртү]Берәр бит анын темасын иң төгәл билгеләгән (иң түбән дәрәҗә) төркемнәргә кертелә, ягъни бер бит бер-берсе астына кергән төркемнәргә керә алмый.
- Мәсәлән: 1906 елдан (XX гасыр) бирле Казанда (шул очракта Казан губернасы, Русия империясе) чыга башлаган, 1921 елда Чабаксарга (Чуаш автономияле өлкәсе, Совет Русия) күчерелгән, ССРБ чорында (ЧАССР) һәм бүгенге көндә дә (XXI гасыр, Чуашстан, Русия Федерациясе) үз хезмәтен дәвам итүче «Хыпар» газетасы түбәндәге төркемнәргә, ә булмаганда - турыдан-туры аларның өстөркемнәренә (), керергә тиеш:
- Төркем:Чуаш телендә чыгучы газеталар (Төркем:Чуаш теле)
- Төркем:XX гасыр газеталары (Төркем:XX гасыр)
- Төркем:Казан губернасы газеталары (Төркем:Русия империясе газеталары)
- Төркем:Чуаш автономияле өлкәсе газеталары (Төркем:Совет Русия газеталары)
- Төркем:ЧАССР газеталары (Төркем:ССРБ газеталары)
- Төркем:Чуашстан газеталары (Төркем:Русия газеталары)
- Төркем:XXI гасыр газеталары (Төркем:XXI гасыр).
Төркемнәрне сайлау киңәше
[вики-текстны үзгәртү]Берәр битне төркемләргә әзерләнгәндә, анарга охшаш битләрнең нинди төркемнәргә кертелгәненә күз салыгыз.
Битләрне төркемләү
[вики-текстны үзгәртү]- Шулай ук карагыз: ВП:Төркем.
Берәр битне берәр төркемгә кертер өчен, аның астында [[Tөркем:"Төркем_исеме"]] кертелә.
Мәсьәлән, Җир битен төркемләү өчен, [[Tөркем:Җир]] язып куйгач, аны Төркем:Җир төркемендә күрә алырсыз.
Төркәлмәгән битләр
[вики-текстны үзгәртү]Төркәлмәгән битләрне очратканыгыз очракта, аларны төркемләү сорала. Төркемли алмаганыгыз очракта, алар турында "Төркемләү" проекты катнашучыларына белдерү өчен, битләргә {{Төркемнәр юк}}, {{rq|cat}} яки {{rq-lat|cat}} калыпларны урнаштырыгыз.