Vla
Sambreelterm vir versoete mengsels van melk of room en eiergeel
Oorsprong
Verenigde Koninkryk
Variante
Crème anglaise
Crème pâtissière
Vla (Nederlandse suiwelproduk)
Die sambreelterm vla verwys na 'n verskeidenheid versoete mengsels van melk of room en eiergeel wat verhit word en waarvan die tekstuur – afhangende van hoeveel eiers of ander verdikkers gebruik word – van 'n dunnerige sous (crème anglaise) tot 'n dikkerige mengsel kan varieer.
Die dikkerige variant of crème pâtissière is 'n gewilde vulsel vir terte en éclairs waarvoor soms ook ander verdikkers soos meel, stysel of gelatien gebruik word. In die Verenigde Koninkryk word dikwels 'n knippie neutmuskaat oor vlasous of -tertjies gestrooi (sien foto regs).
Dikwels word vanielje-gegeurde vla as 'n nagereg of sous vir nageregte bedien. Onversoete vla dien ook as basis vir quiches en ander pikante geregte.
Die vroegste resepte vir custard, die Engelse variant van vla, in Brittanje dateer uit die Romeinse tydperk. In die Romeinse kookkuns is souse gewoonlik met eiers verdik. Middeleeuse Engelse kokke het 'n verskeidenheid versoete en pikante custards berei waarvan die laasgenoemdes, veral as Franse parfaits, ook as moderne variante van eiercustards bedien word.
In die Verenigde Koninkryk word custard as massaproduk verbind met Alfred Bird, 'n skeikundige uit die Midlands wat in 1837 begin het om mieliestysel in plaas van eiers as verdikker vir custard te gebruik nadat sy vrou 'n allergie teen eiers ontwikkel het. Bird's Custard is later as custardpoeier in winkels verkoop.
Eksterne skakels
wysig- Wikimedia Commons het meer media in die kategorie Vla.