Tuisblad

Welkom by Wikipedia, die vrye ensiklopedie wat deur enigiemand verbeter en uitgebrei kan word.	Dinsdag, 20 Augustus 2024 Hier is tans 118 139 artikels in Afrikaans.
Help ons om ’n wêreldklas-ensiklopedie in Afrikaans te skep.

Inleiding • Hulp • Kontak

Gebruikersportaal • Voorbladartikels • Kategorieë • Stel ’n vraag

Voorbladartikel

Kaptein Jack Sparrow is 'n fiktiewe karakter en die hoofkarakter van die Pirates of the Caribbean-rolprentreeks en -franchise. 'n Vroeë weergawe van Sparrow is deur die draaiboekskrywers Ted Elliott en Terry Rossio geskep, maar die finale karakter is geskep deur die akteur Johnny Depp, wat ook die rol vertolk.

Die karakter, 'n seerower, is geskoei op 'n kombinasie van The Rolling Stones se kitaarspeler Keith Richards en Looney Tunes-strokiesprente, veral die karakters Bugs Bunny en Pepé Le Pew. Hy verskyn die eerste keer in die rolprent van 2003 Pirates of the Caribbean: The Curse of the Black Pearl, en later in die opvolgprente Dead Man's Chest (2006), At World's End (2007), On Stranger Tides (2011) en Dead Men Tell No Tales (2017).

In die rolprente is Sparrow een van die seerowerlords in die Brethren Court, die Seerowerlords van die Sewe Seë. Hy kan verraderlik wees en oorleef hoofsaaklik deur sy brein te gebruik en te onderhandel, eerder as deur krag. Hy vlug van die gevaarlikste situasies en veg net indien nodig.

Sparrow word bekendgestel waar hy sy skip, die Black Pearl, probeer terugkry van sy muitsugtige eerste stuurman, Hector Barbossa. Nadat hy geslaag het, probeer hy ontsnap van sy slegte skuld aan die legendariese Davy Jones, terwyl hy teen die Oos-Indiese Kompanjie veg. Later, toe hy na die Fontein van Jeug soek, word hy ontvoer en op Swartbaard se Queen Anne's Revenge geneem, waar hy gedwing word om hom na die Fontein te lei terwyl die Black Pearl in 'n bottel vasgekeer is. In 'n latere avontuur, toe die Spaanse spookkaptein Armando Salazar hom jaag, soek hy na die Drietandvurk van Poseidon terwyl hy ook probeer om die Pearl tot sy oorspronklike vorm te herstel.

Die Pirates of the Caribbean-reeks is geïnspireer deur die Disney-temaparkrit met dieselfde naam. Toe die rit in 2006 opgeknap is, is die karakter Jack Sparrow bygevoeg. Hy is die onderwerp van ander boeke, onder meer die kinderreeks Pirates of the Caribbean: Jack Sparrow, wat van sy kinderjare vertel.

...lees verder

In die nuus

Die twaalfde Rugbykampioenskapreeks duur voort tussen die nasionale spanne van Argentinië, Australië, Nieu-Seeland en Suid-Afrika.
Tydens die 46ste sessie in Delhi, Indië, lys die Unesco onder ander die Appiese Weg, die Lençóis Maranhenses Nasionale Park, die Marquesaseilande, Morawiese kerkstede en Schwerin as nuwe wêrelderfenisgebiede.
Twee dae voor die amptelike openingseremonie van die Spele van die XXXIIIste Olimpiade in Parys, Frankryk, word die Olimpiese Winterspele van 2030 en 2034 tegelyk toegeken, eersgenoemde aan die Franse Alpe en laasgenoemde aan Salt Lake City, Verenigde State van Amerika.
Spanje se sokkerspan wen die eindstryd van die 17de UEFA Europa-beker teen Engeland met 2–1. Beide Frankryk en Nederland haal die halfeindrondte.
Nadat die Arbeidersparty die Konserwatiewe Party – wat sedert 2010 aan bewind was – in die algemene verkiesing verslaan, word Keir Starmer die nuwe Eerste minister van die Verenigde Koninkryk.

Het u geweet...

... dat Montreal in Kanada die tweede grootste Franstalige stad in die wêreld is? Dit is met die 3,9 miljoen inwoners in die metropolitaanse gebied die grootste stad van die Franstalige provinsie Quebec en die tweede grootste in Kanada.

... dat 'n mens baguettes van gehalte in stede soos Phnom Penh in Kambodja kan koop? Kambodja was 'n protektoraat van Frankryk van 1863 tot 1953 en die Franse invloed is steeds te bespeur in die land se kookkuns, waar geroosterde baguettes dikwels saam met kerriegeregte geëet word.

... dat die katedraal van Straatsburg, met sy toring van 142 meter, wat in 1439 in Straatsburg voltooi is, sover bekend tot 1874 die hoogste gebou ter wêreld was?

...dat die Blohm & Voss BV 138-vliegboot dieselaangedrewe motors gebruik het?

... dat 'n eland tot 1 000 kilogram kan weeg? Dit maak die eland die grootste van die boksoorte, alhoewel hy, nes die buffel, tot die subfamilie "beesagtiges" behoort.

Vandag in die geskiedenis

20 Augustus: Sint Stefanusdag/Staatsstigtingsdag in Hongarye; Dag van die herinstelling van onafhanklikheid in Estland (1991).

1882 – Tsjaikofski se "1812-overture" word vir die eerste keer opgevoer, in die Katedraal van Christus die Verlosser in Moskou.
1955 – Algerynse rebelle val Franse teikens in die distrik Constantine aan. Meer as 500 sterf en 200 word gewond. In Marokko betoog nasionaliste in die strate teen die Franse afsetting van die sultan van Marokko.
1960 – Die Mali-Federasie, wat uit Senegal en Mali bestaan het, word ontbind.
1968 – 200 000 troepe en 5 000 tenks van lande van die Warskou-verdrag val Tsjeggo-Slowakye binne om die Praagse Lente te beëindig.
1991 – Estland verklaar in die Singende Rewolusie sy onafhanklikheid van die Sowjetunie.