Interacción nucleyar fuerte
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A interacción nucleyar fuerte u interacción fuerte, tamién dita fuerza nucleyar fuerte u simplament fuerza fuerte ye, en fisica de particlas, una d'as cuatre fuerzas fundamentals de l'Universo. As atras tres son a gravitación, o electromagnetismo y a fuerza nucleyar feble. A escala atomica, ye unas 100 vegatas mas fuerte que o electromagnetismo, que a la vegata ye cuantos órdens de magnitut mas fuerte que a fuerza nucleyar feble y a gravitación.
A fuerza nucleyar fuerte actua sobre toz os hadrons, mesons y barions, as particlas composatas formatas por quarks y antiquarks. A interacción d'ista fuerza ye portiata por uns bosons ditos gluons, de manera equivalent a la fuerza electromagnetica que ye portiata por os fotons. Ista fuerza ye a responsable de que os quarks se mantengan unitos ta formar os barions (como os protons u os neutrons) y os mesons (como os pions u os kaons), y tamién ye a responsable de que os protons y os neutrons se mantengan unitos a o nuclio.[1] A fuerza nucleyar fuerte tien un alcance d'arredol d'un femtometro (de vegatas dito fermi en honor d'Enrico Fermi), uns 10−15 metros,[2] y ha d'estar prou fuerte como ta contrarestar a intensa fuerza repulsiva que bi ha entre os protons, a enerchía d'a fuerza nucleyar fuerte entre dos protons ye de l'orden de MeV (megaelectrón volt). A fuerza nucleyar fuerte no se veye afectata por a carga electrica d'as particlas, afectando por igual a protons y neutrons. A teoría que explica ista fuerza ye a cromodinamica cuantica (QCD de l'anglés quantum chromodynamics), que fue proposata en 1973 por Harald Fritzsch, Heinrich Leutwyler y Murray Gell-Mann.[1][3]
Referencias
editar- ↑ 1,0 1,1 Weak Interaction Studies by Precision Experiments in Nuclear Beta Decay, Nathal Severijns, Instituut voor Kern- en Stralingsfysica, Katholieke Universiteit Leuven . Pachina 342.
- ↑ What is the maximum distance for the action of the strong nuclear force? Yahoo Answers.
- ↑ Facts about Harald Fritzsch: quantum chromodynamics, as discussed in quantum chromodynamics, Enciclopaedia Britannica