Whitehall
Whitehall ye una cai de la ciudá de Westminster en Londres, la capital del Reinu Xuníu.
Whitehall | |
---|---|
Whitehall (en) | |
cai | |
![]() | |
Llocalización | |
País | ![]() |
Nación constitutiva | ![]() |
Rexón | Londres |
Condáu ceremonial | Gran Londres |
Borough | Ciudá de Westminster |
Coordenaes | 51°30′15″N 0°07′35″W / 51.5042°N 0.1264°O |
Historia y usu | |
National Service of Remembrance (en) ![]() | |
Orixe del nome | Palaciu de Whitehall |
Llargor | 0,4 mi |
Encruces |
Trafalgar Square Downing Street (es) ![]() The Mall (es) ![]() Parliament Street (en) ![]() Great Scotland Yard (en) ![]() Whitehall Place (en) ![]() Horse Guards Avenue (en) ![]() Craig's Court (en) ![]() |
![]() |
Ye la principal arteria que va escontra'l norte dende la plaza del Parllamentu (Parliament Square) hasta l'estremu sur de Trafalgar Square. A lo llargo d'esta vía pueden atopase munchos edificios gubernamentales, motivu pol cual el nome "Whitehall" ye frecuentemente usáu como un metónimo pa gobiernu alministrativu del gobiernu del Reinu Xuníu, el Serviciu Civil Británicu o al gobiernu mesmu. amás de la estatua de Carlos I y el Cenotafiu.
El nome provién del Palaciu de Whitehall qu'ocupaba l'área cercana pero que foi destruyíu en gran parte pol fueu en 1698. Whitehall foi orixinalmente un camín anchu que xubía hasta la entrada del Palaciu. La plaza de Trafalgar foi construyida nel estremu norte a empiezos del sieglu XIX. Falando puramente, namái les dos terceres partes al norte de la cai ye llamada "Whitehall", el terciu al sur ye llamáu cai del Parllamentu. Sicasí, nun esiste nenguna distinción bultable ente dambes. Estes cais cubren una distancia total averada de 1 km (0,6 milles).
Orixinalmente la cai del Parllamentu yera un pequeñu camín al llau del Palaciu de Westminster. Cuando'l palaciu foi destruyíu y les sos ruines baltaes, la cai del Parllamentu foi ampliada pa encaxar col anchu de Whitehall. L'apariencia actual de la cai ye la resultancia de la remodelación nel sieglu XIX.
La seición central de la cai ta ocupada por edificios militares, incluyendo'l Ministeriu de Defensa y los antiguos cuarteles xenerales del Exércitu Británicu (British Army) y la Marina Real (Royal Navy), l'Edificiu de la Caballería Real Británica (House Guards) y l'Almirantazgo respeutivamente. El camín tamién agospia una estatua ecuestre del príncipe Jorge, duque de Cambridge, antiguu Comandante en Xefe de l'Armada.
Monumentos y estatues
editarEl Cenotafiu
editarEl Cenotafiu, el principal monumentu de guerra del país, ta allugáu nel centru d'esta vía, y ye el sitiu onde se realicen les ceremonies añales conmemorativas del Remembrance Sunday. De piedra de Pórtland y diseñáu por sir Edwin Lutyens[1] nello figura una corona funébre en cada estremu y la inscripición «Los gloriosos finaos», a pidimientu del entós primer ministru Lloyd George, en cada llateral.[2]
Monumentu a les muyeres de la Segunda Guerra Mundial
editarEn 2005, la reina Sabela II desveló'l Monument to the Women of World War II (Monumentu a les muyeres de la Segunda Guerra Mundial), una estatua de bronce de 6.7 m d'altor y 4.9 m de llargu.[3]
Edificios principales
editarEdificios gubernamentales en Whitehall (de norte a sur)
editar- Almirantazgo
- DEFRA
- Old War Office
- Horse Guards
- Ministeriu de Defensa
- Scotland Office (Dover House)
- Wales Office (Gwydwr House)
- Oficina del Gabinete
- Departamentu de Sanidá
- Departamentu de Trabayu y Pensiones
- Foreign Office (Ministeriu d'Asuntos Esteriores)
- HM Treasury (Ayalga) y HM Revenue and Customs (Facienda)
Otros edificios notables en Whitehall
editarBanqueting House
editarLa Banqueting House, construyida en 1622 por Íñigo Jones, ye la única parte que subsiste del palaciu orixinal. Rubens pintó un techu de dichu edificiu hacia 1630. Carlos I foi executáu'l 30 de xineru de 1649 nun patíbulu alzáu delantre del edificiu, con una pasadera que daba a les ventanes de les ventanes del primer pisu. Los realistes entá conmemoren el regicidio añalmente nel aniversariu de la execución.[ensin referencies]
Teatru Whitehall
editarCais
editarAl estremu nordeste de Whitehall, la cai Great Scotland Yard allugaba l'antiguu sede de la Policía Metropolitana, y foi l'orixe del so metonimia, Scotland Yard.
Downing Street
editarDowning Street conduz al estremu suroeste de Whitehall, xusto percima de la cai del Parllamentu (Parliament Street). Yá nun ta abierta al públicu y ta cerrada por dambos extermos per enormes puertes de seguridá alzaes en 1989. Estes puertes fueron complementaes por una barra proteutora d'alredor de tres metros fora de les puertes principales, qu'enzanca entá más a los contribuyentes, quien téunicamente son dueños d'estos edificios, apreciar esta famosa cai.
Referencies
editar- ↑ (n'inglés) «The Cenotaph.» BBC. Consultáu'l 3 de payares de 2014.
- ↑ (n'inglés) Ficha Archiváu 2014-11-03 en Wayback Machine English Heritage. Consultáu'l 3 de payares de 2014.
- ↑ (n'inglés) «Memorial to Women of World War II.» Archiváu 2012-01-23 en Wayback Machine National Heritage Memorial Fund. Consultáu'l 3 de payares de 2014.
Enllaces esternos
editar