Kanji
- Artikil ngini adalah manganai tata bahasa Japang. Amun galapung kanji, lihati Tapiuka
Kanji ( dangarakan(patulung·info)) (漢字), sacara harfiah bararti "aksara matan Han", adalah aksara Tionghoa nang digunaakan dalam bahasa Japang. Kanji adalah salah satu matan ampat sit aksara nang digunaakan dalam tulisan mudirin Japang salain kana (katakana, hiragana) wan romaji.
Kanji | |
---|---|
![]() | |
Janis | Logogram |
Bahasa nang dituturakan | Japang Bahari, Japang |
Silsilah | |
Aksara sarumpun | Hanja, Zhuyin, Hanzi sederhana, Chu Nom, Aksara Khitan, Aksara Jurchen |
ISO 15924 | Hani |
Parhatian: Tungkaran ini mungkin mamuat simbol-simbol fonetis IPA mangguna'akan Unicode. |
Kanji baharinya jua disambat mana (真名) atawa shinji (真字) gasan malainakannya matan kana. Aksara kanji dipakai gasan malambangakan kunsip atawa idi (kata banda, akar kata gawi, akar kata sifat, wan kata katarangan). Samantara ngitu, hiragana (jaman bahari katakana) umumnya dipakai sabagai okurigana gasan manulisakan infleksi kata gawi wan kata-kata nang akar katanya ditulis lawan kanji, atawa kata-kata asli bahasa Japang. Salain ngitu, hiragana dipakai manulis kata-kata nang ngalih ditulisi wan diingati amun ditulisi dalam aksara kanji. Kacuali kata sarapan, aksara kanji dipakai gasan manulisi handak sabarataan kusakata nang baasal matan bahasa Tiunghua atawa bahasa Japang.