Finsteraar-Glaĉero
Finsteraar-Glaĉero (germana lingvo: Finsteraargletscher; en Esperanto ankaŭ: Finsteraar-Glaĉero) estas tributglaĉero de la Unteraar-Glaĉero en Berna Oberlando, Kantono Berno, Svislando. La glaĉero havas longecon de proksimume 8 km, averaĝan larĝecon de 1 km kaj surfacon de proksimume 12 km².
Finsteraar-Glaĉero | ||
---|---|---|
![]() kun firnkampoj, kiuj nutras Finsteraar-Glaĉeron | ||
glaĉero | ||
Geografia situo | CH1903: 653780 / 156764 (mapo)46.568.14Koordinatoj: 46° 34′ N, 8° 8′ O; CH1903: 653780 / 156764 (mapo) | |
| ||
Estiĝloko | Finsteraarhorn kaj Hienderstock | |
Longeco | 8 km | |
Larĝeco | 1 km | |
Areo | 12 km² | |
Glacikvanto | 2 km³ | |
Elfluanto(j) | Unteraar-Glaĉero→Aro | |
Jara retiriĝo/kresko | 20 m retiriĝo en 2006 | |
Glaĉeroj de Svislando | ||
Priskribo
redaktiLa glaĉero estiĝas en tri brakoj. La norda brako, kiu estas la ĉefbrako, naskiĝas sude de Lauteraarhorn kaj Hienderstock je alteco de proksimume 3400 m s.m. kaj fluas 4 km suden kie ĝi renkontiĝas kun la aliaj du brakoj. Okcidenta brako estiĝas en firnkampoj je la orienta flanko de Finsteraarhorn. Ĝi havas formon de kurbita botelo kun longeco de proksimume 2,5 km kaj larĝeco de inter 1,5 kaj 2 km. Je ĝia norda flanko ĝi tra la firnaj kampoj de la glaĉerpasejo Lautersattel estas ligita kun Supra Grindelwald-Glaĉero. La suda brako estas la plej malgranda el la tri brakoj. Ĝi estiĝas je la suda flanko de Oberaarhorn (3477 m. s.m.) je alteco de 3400 m kaj havas ĝis la kunfluo longecon de proksimume 2 km kaj larĝecon de 1 km. La kunigitaj glaĉeroj nun fluas dum 4 km nordorienten kun larĝeco de 1,5 km. Je la rekontiĝo kun Lauteraar-Glaĉero ĝi kurbiĝas orienten kaj transiras al la Unteraar-Glaĉero.