Ameddul
Ameddul (tafesna: Sphenisciformes, tawacult: Spheniscidae) d tagrawt n yigṭaṭ n waman ur yettferfiren ara. Yettidir deg wezgen anaẓul n tegnit, aladɣa deg Antraktika. Imeddulen d wid ilan (yesɛan) assezgi meqqren i tmeddurt deg waman acku tafriwen-is timellalin d tberkanin ttallent deg usengel ma d afriwen-is uɣalent d tisucaf i wakken ad ttallent deg werdab.
Ameddul | |
---|---|
Tasensartut | |
Asmil | Aves |
Tafesna | sphenisciformes (fr) ![]() |
tawacult | Spheniscidae Bonaparte, 1831
|
Taẓuni tarakalt | |
![]() | |
Isali amatan | |
Amussu |
bipédie (fr) ![]() |
Ini |
Aberkan, amellal d orange (fr) ![]() |
Ɣas akken ma imeddulen ttidiren deg wezgen anaẓul n tegnit kan, maca drus kan n telmas i yettidiren deg Antraktika. Acku tuget n telmas n imeddulen ttidirent anda yemnummes unezwu, amedya deg teftisin n Ustṛalya d Tferka n unẓul d Temrikt n unẓul, akken i tella yiwet n telmest tettidir zdat n usebges (Ameddul n Galapagos).
Talmest tacafcalt yakk ur nengir ara tga d ameddul amenkad, anda i tettawaṭ teɣzi-ines ɣer 1,1 m, yerna yettazen 35 kg neɣ ugar. Ma deg tama nniden, yella umeddul awezlan tettumeggze d talmest tawezlant yakk, anda teɣzi-ines ur tugar ara 40 cm, akken i yettazen azal n 1 kg. S umata, imeddulen meqqren ttmilen ad idiren deg twennaṭin semmṭen. Ma d imeddulen meẓẓiyen ttidirent deg twennaṭin yemnummsen.
Tamseknit d weglam
ẓregIgṭaṭ-a ur zmiren ara ad fferfren s usrag (s sebba) n wanaw n tudert-nsen deg waman. Ableɣ-nsen d win igar gar n umeqqran d ulemmas (40 alamma d 115 cm). Tigekkiwin-nsen d ičuranen ma d yiṭarren-nsen meẓẓiy-it, ma d iferran-nsen mmugen d tiferrawin n werdab.
Ameddul iga d izuran, tuyat-is meẓẓiy-it, ma d iqamumen-is d umsid, iṭarren-is d imazufen