Katuncar
Ketumbar | |
---|---|
![]() | |
Ketumbar | |
Klasifikasi ilmiah | |
Karajaan: | |
Divisi: | |
Kelas: | |
Ordo: | |
Kulawarga: | |
Génus: | Coriandrum
|
Spésiés: | C. sativum
|
Ngaran binomial | |
Coriandrum sativum |
Katuncar, ᮊᮒᮥᮑ᮪ᮎᮁ (Coriandrum sativum) nyaéta ngaran tutuwuhan anu biasa hirup dina rungkun.[1][2] Watangna kaian tur miboga akar tunggang.[2] Daunna daun majemuk, warnana héjo semu bodas.[2] Kembangna siga payung, makutana diwangun tina 5 daun makuta, warnana bodas atawa beureum ngora.[2] Buahna pasagi atawa buleud, warnana héjo saupama geus kolot jadi warna konéng semu coklat.[2] Sikina buleud warnana coklat, ukuranana laleutik siga siki pedes, tapi kulitna teu teuas.[2][3] Siki katuncar ngandung saponin, flavonoida jeung tanin.[2]
Katuncar asalna ti daratan tropis nyaéta Mediteranian jeung Asia tuluy sumebar ka Éropah.[3] Siki katuncar nu seungit bisa nambahan rasa asakan tapi teu seukeut teuing dina létah.[3] Katuncar biasana dipaké pikeun sambara goréngan, contona goréng hayam, empal, gepuk daging sapi, tahu, témpé, lauk sarta sajabana.[3] Ieu samara téh kacida kakoncarana dina asakan Asia séjénna kawas Thailand jeung Vietnam, sarta India.[3] Katuncar geus kakoncara ti rébuan taun sameméh masehi di Mesir.[3] Di Éropa, katuncar dipikawanoh ti jaman Romawi sarta Yunani.[3] Dina asakan Éropah modérn, biasana katuncar dipaké pikeun sambara steak atawa beuleum daging.[3] Sajaba minangka sambara, katuncar ogé dimangpaatkeun minangka ramuan tradisional.[3] Kandungan dina siki katuncar bisa ngubaran gangguan cerna, panas dalam, asup angin, sariawan, radang lambung, seueul sarta haid nu henteu teratur.[3] Katuncar ogé bisa nambahan napsu dahar, ngalancarkeun ASI, nyingkahan darah tinggi, ogé nungkulan masalah disfungsi seksual lalaki.[3]
Referensi
édit- ↑ Jonathan, Rigg; Jonathan (1862), A Dictionary of the Sunda Language of Java, Universitas Harvard: Bataviaasch Genootschap van Kunsten en Wetenschappen, p. 209
- ↑ a b c d e f g Ketumbar Archived 2011-10-25 di Wayback Machine (id) (Diakses ping 1 November 2011)
- ↑ a b c d e f g h i j k Ketumbar Archived 2010-08-08 di Wayback Machine (id) (Diakses ping 1 November 2011)
Wikimedia Commons mibanda média séjénna nu patali jeung Coriandrum sativum. |