Айдар Сәлимгәрәев
Айдар Сәетгәрәй улы Сәлимгәрәев (рус. Айдар Салимгараев яки рус. Салимгараев Айдар Саитгараевич, 1971 елның 3 августы, ССРБ, РСФСР, ТАССР, Мөслим районы, Мөслим) — «Татмедиа» республика матбугат һәм массакүләм коммуникацияләр агентлыгы житәкчесе (2019 елның 24 сентябреннән). Татарстан президентының мәгълүмат-аналитика идарәсе җитәкчесе (2018—2019 елларда)[1]. Татарстан Республикасының атказанган матбугат һәм массакүләм коммуникацияләр хезмәткәре (2013).
Айдар Сәлимгәрәев | |
---|---|
![]() | |
Республика матбугат һәм массакүләм коммуникацияләр агентлыгы житәкчесе | |
Вазыйфага керешкән 2019 елның 24 сентябре | |
Туган | 3 август 1971 (53 яшь) Мөслим (Мөслим районы), Татарстан АССР, РСФСР, СССР |
Белем | В.И.Ленин исемендәге Казан дәүләт университеты һәм Казан дәүләт финанс һәм икътисад институты |
Тәрҗемәи хәле
үзгәртү1971 елның 3 августында Татарстан АССР Мөслим районы үзәге Мөслим авылында туган. «Журналист» белгечлеге буенча В. И. Ульянов-Ленин исемендәге Казан дәүләт университетының журналистика факультетын (1994), «MBA программасы буенча эшлекле идарә итү менеджеры» белгечлеге буенча Казан дәүләт финанс-икътисад институтын (КФИИ, 2009 елдан КФУ составында) (2005) тәмамлаган.
Хезмәт юлы
үзгәртү1988 елда «Мөслимагропромэнерго» (Мөслим) эшчесе.
1994—1997 елларда — «Татар-информ» МА «Татарстан» республика мәгълүматы баш редакциясендә хәбәрче, бүлек мөхәррире, баш мөхәррир.
1997—1998 елларда — «Түбән Кама шәһәре телерадиокомпаниясе» ҖЧШ өлкән мөхәррире.
1998—1999 елларда — Түбән Кама авиация предприятиесенең (Бигеш) иҗтимагый һәм тышкы элемтәләр буенча киңәшчесе.
1999—2000 елларда — Түбән Кама халык депутатларының берләштерелгән шурасы аппараты белгече.
2000—2003 елларда — «Түбән Кама телерадиокомпаниясе» КУ директоры.
2003—2006 елларда — «Татмедиа» массакүләм коммуникацияләр агентлыгы ДУ директоры.
2006—2008 елларда — «Татмедиа» массакүләм коммуникацияләр агентлыгы генераль директорының урынбасары.
2008—2009 елларда — «Татмедиа» ҖЧҖ генераль директорының беренче урынбасары.
2009—2012 елларда — «Татмедиа» ҖЧҖ генераль директоры.
2012—2014 елларда — Татарстан Җөмһүрияте мөселманнарының Диния нәзарәте ҮДО аппараты җитәкчесе.
2014—2015 елларда — «ПРОСТО МОЛОКО» ИК ҖЧҖ генераль директоры урынбасары.
2015—2018 елларда — ТР Президентының Эчке сәясәт мәсьәләләре департаменты җитәкчесе урынбасары — иҗтимагый проектлар бүлеге мөдире.
2018—2019 елларда — ТР Президентының мәгълүмат-аналитика идарәсе башлыгы.
2019 елның 24 сентябреннән (VI чакырылыш ТР Дәүләт шурасы депутаты, Мәгариф, мәдәният, фән һәм милли мәсьәләләр комитеты рәисе итеп сайланган Айрат Зарипов урынына[2]) — Татмедиа Республика матбугат һәм массакүләм коммуникацияләр агентлыгы житәкчесе[3][4]
Бүләкләре, мактаулы исемнәре
үзгәртү- 2022 ― Россия Федерациясе Президенты Рәхмәте [5]
Гаилә хәле
үзгәртүӨйләнгән, кызы һәм ике улы бар.
Искәрмәләр
үзгәртү- ↑ Айдар Сәлимгәрәев "Татмедиа" агентлыгы җитәкчесе итеп билгеләнде. Азатлык радиосы, 24.09.2019
- ↑ Мәгариф, мәдәният, фән һәм милли мәсьәләләр комитеты. 2019 елның 21 сентябрь көнендә архивланган. ТР ДШ сайты
- ↑ «Татмедиа» агентлыгы коллективына яңа җитәкчене Әсгать Сәфәров тәкъдим итте.(үле сылтама) tatmedia.tatarstan.ru
- ↑ Егор Никитин. Нового главу Республиканского агентства по печати и массовым коммуникациям сегодня назначил Президент РТ. Татар-информ, 24.09.2019
- ↑ Гөлнар Гарифуллина. Рөстәм Миңнеханов хезмәт алдынгыларына дәүләт бүләкләрен тапшырды. Татар-информ, 10.06.2022
Сылтамалар
үзгәртү- Сәлимгәрәев Айдар Сәетгәрәй улы. 2019 елның 1 сентябрь көнендә архивланган. ТР президенты сайты
- Сәлимгәрәев Айдар Сәетгәрәй улы. tatcenter.ru