Kemi
Kemi (mugažo suomen i ročin kelil; pohjoižsaam.: Giepma) om lidn Suomenman lodehes, sen Laplandii-agjas. Agjan koumanz' lidnankund nelläspäi eläjiden lugun mödhe.
Lidnanznam![]() | |
Valdkund | Suomenma |
Eläjiden lugu (2018) | 21,218 ristitud |
Pind | 747,28 km² |
![]() | |
Pämez' | Tero Nissinen (keväz'ku 2012—) |
Telefonkod | +358−16 |
Aigvö | tal'vel UTC+2, kezal UTC+3 |
Istorii
vajehtaEländpunktan aluz om pandud vl 1869 Aleksandr II-imperatoran käskön mödhe kaičemha lahten pindad i varatoitamha lähtendad sihe. Vll 1893−1919 ezmäine cellülozantegim oli sauvomas, toine vl 1930. Raudte tuli lidnha vl 1902.
Kemi šingotase bumagan (Stora Enso) da kartonan (Metsä Fibre) tehmižel.
Geografijan andmused
vajehtaLidn sijadase Baltijan meren Botnižen lahten pohjoižrandal, 4 m ü.m.t. keskmäižel korktusel. Matkad Hel'sinkihesai om 620 km suvhe orhal, 710 km avtotedme vai raudtel, agjan Rovanem'-keskushesai om 100 km pohjoižpäivnouzmha orhal, 120 km avtotel vai raudtedme.
Vl 2018 lidnan ühthine pind oli 747,28 km², sidä kesken man pind oli vaiše kahesandez (95,37 km²), sokaz ma — 7,38 km², meri oti 644,53 km².
Eläjad
vajehtaVl 1980 eläjiden lugu oli 26 928 ristitud, sil aigalpäi ristitišt poleneb.
Mamankelen mödhe (2016): suomen kel' — 95,1%, ročin kel' — 0,2%, toižed keled — 4,7%.
Edeline lidnan pämez' oli Ossi Repo vll 2006−2012.
Sebruzlidnad
vajehta- Sekešfehervar, Mad'jaranma (vspäi 1958)
- Tromsö, Norvegii (vspäi 1940)
- Volgograd, Venäma (1953)
Galerei
vajehta-
Lidnan ohjastusen pert'
-
Lüteranine jumalanpert' (om saudud vl 1902)
-
Laplandijan sättutoitud tedoiden universitetan kampus
-
Kul'turkeskuz, istorijan i čomamahton muzejad
-
Cellülozan tehmine (Metsä Fibre, 2009)
Homaičendad
vajehta
Irdkosketused
vajehta- Lidnan ohjastusen sait (kemi.fi). (suom.) (angl.) (kit.)
Kemi Vikiaitas |