Port Alfred
Port Alfred is 'n gewilde vakansieoord in die Oos-Kaapprovinsie, Suid-Afrika, wat uitstekende geriewe vir alle soorte watersport bied. Die dorp lê by die monding van die Kowierivier, halfpad tussen Port Elizabeth en Oos-Londen op die R72-pad. Die Methodist Settlers' Church uit die jaar 1827 is 'n nasionale monument.
Port Alfred (Nkwenkwezi ingereken) | |
---|---|
![]() Die hoofbrug in Port Alfred. | |
Koördinate: 33°35′30″S 26°53′15″O / 33.59167°S 26.88750°O | |
Land | ![]() |
Provinsie | Oos-Kaap |
Distrik | Sarah Baartman |
Munisipaliteit | Ndlambe |
Stigting | 1821[1] |
Regering | |
• Tipe | Stadsraad |
• Burgemeester | Sipho Tandani |
Oppervlak | |
• Totaal | 46,6 km2 (18,0 vk. myl) |
Bevolking (2011) | |
• Totaal | 25 859 |
• Digtheid | 555/km2 (1 440/vk. myl) |
Rasverdeling (2011) | |
• Wit mense | 16.7% |
• Indiërs/Asiërs | 0.3% |
• Bruin mense | 6.8% |
• Swart mense | 75.8% |
• Ander | 0.4% |
Taal (2011) | |
• Xhosa | 71.2% |
• Engels | 14.4% |
• Afrikaans | 11.4% |
• Ander | 3.1% |
Poskode (strate) | 6170 |
Poskode (posbusse) | 6170 |
Skakelkode | 046 |
Webwerf | http://www.portalfred.co.za/ |
Geskiedenis
wysigDie geskiedenis van die dorp is nou saamgeweef met dié van die rivier en hawe. Die Britse Setlaars van 1820 het gou die potensiaal van 'n hawe in die riviermond raakgesien. Die regering was hulle goedgesind en in 1821 het die brik Locust maklik oor die sandbank by die mond gevaar. Na 10 jaar het die regering egter onttrek. William Cock het daarna 'n maatskappy in 1841 gestig, die Kowie Harbour Improvement Company om die hawe verder te ontwikkel. In 1857 oorreed hy die regering om weer betrokke te raak. Die hawe word in 1861 vir verkeer oopgestel en die volgende 20 jaar was 'n bloeitydperk vir die hawe.
Die dorp self is in 1825 gestig en het eers Port Frances geheet. In 1860 is die naam na Port Alfred verander om die besoek van die tweede seun van koningin Victoria te gedenk. Die koms van die spoorlyn in 1881 was die finale spyker in die hawe se doodskis.
Omgewing
wysigDie Kowierivier is vir 32 km bevaarbaar. Die dorp is vandag 'n gewilde vakansiebestemming wat visvang, skubaduik, branderplankry en ander ontspanning aanbied. Die dorp is ook gewild onder die skulpversamelaars, meer as 1 800 verskillende spesies skulpe is op die kus gevind.
Port Alfred is ook die tuiste van van Stenden Suid-Afrika - deel van Stenden Universiteit in Nederland.
Sien ook
wysigVerwysings
wysig- ↑ "History of Port Alfred". African Lioness. Geargiveer vanaf die oorspronklike op 16 Desember 2019. Besoek op 25 Januarie 2010.
- ↑ 2,0 2,1 2,2 Som van die hoofplekke Nkwenkwezi en Port Alfred 2011-sensus.
Bronnelys
wysig- Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
Verwante boeke
wysig- Turpin, Eric W (1964). Basket Work Harbour; The Story of the Kowie. Kaapstad: Howard Timmins. p. 136. ISBN 0869782444.