Valtteri Bottas
Valtteri Viktor Bottas (Nastola, 28 Augustus 1989)[1] is 'n Finse professionele motorrenjaer wat vir die Alfa Romeo-Ferrarispan in Formule Een Grands Prix jaag. Hy was van 2013 tot 2016 lid van die Williams F1-span, en het in 2017 by die Mercedes AMG-span aangesluit, en het van 2017 tot 2021 tien Grands Prix vir hul gewen.[2] Bottas is in 2011 as kampioen gekroon in die GP3-reeks vir die Lotus ART-span deur sy spanmaat James Calado en die Nederlander Nigel Melker te verslaan.
Valtteri Bottas | |
---|---|
![]() Bottas in 2022.
| |
Geboortedatum | 28 Augustus 1989 |
Geboorteplek | Nastola, Finland |
Nasionaliteit | ![]() |
Ou span(ne) | Williams Martini Racing Mercedes AMG Alfa Romeo-Ferrari |
Span in 2024 | Kick Sauber-Ferrari |
Motornommer | 77 |
Inskrywings | 238 (237 begin) |
Kampioenskappe | 0 |
Oorwinnings | 10 |
Podiums | 67 |
Loopbaanpunte | 1797 |
Voorste wegspronge | 20 |
Vinnigste rondtes | 19 |
Eerste F1-wedren | 2013 Australiese Grand Prix |
Eerste wen | 2017 Russiese Grand Prix |
Laaste wen | 2021 Turkse Grand Prix |
Laaste inskrywing | 2024 Italiaanse Grand Prix |
Laaste seisoen | 2023 |
Verlede jaar plek | 15de (10 punte) |
Hy woon tans in Monaco.
Formule 1
wysigBottas was die reserwejaer vir die Williams F1-span in die Formule 1-seisoen in 2010.[3] Hy het sy eerste vrye oefening tydens die 2012 Maleisiese Grand Prix onderneem. Hy het in 2012 altesaam 15 oefensessies op Vrydae voltooi, deur elke keer die plek van die renjaer Bruno Senna oor te neem. Op 28 November 2012 is aangekondig dat Bottas in 2013 die renjaer vir die Williams-span sou word. Pastor Maldonado, wat sedert 2011 by Williams was, het sy spanmaat geword.[4] In sy sewende weden in Kanada het Bottas vir 'n groot verrassing gesorg deur met die onmededingende Williams in die derde plek agter Sebastian Vettel en Lewis Hamilton te kwalifiseer. In die wedren het hy egter slegs veertiende kon eindig, 'n rondte agter die wenner Vettel. In die 2013 Verenigde State Grand Prix het Bottas weer in die top tien gekwalifiseer, hy kon nou sy posisie op agtste plek behou en verdien daarmee sy eerste punte in Formule Een.
2014 tot 2016
wysigIn 2014 het Bottas met nommer 77 begin ry. Hy het hierdie nommer gekies omdat dit ooreenstem met sy naam (Val77eri Bo77as). Met Felipe Massa het hy ook 'n nuwe spanmaat gekry.
Tydens die 2014 Oostenrykse Grand Prix het Bottas sy eerste podiumplek in Formule 1 behaal, nadat hy tweede agter sy spanmaat Felipe Massa was. Hy kon 'n lang ruk Lewis Hamilton se vinniger Mercedes terughou, maar moes hom uiteindelik laat verbykom. By die volgende wedren in Brittanje was Bottas terug op die podium met 'n tweede plek agter Hamilton, toe hy van plek veertien af moes begin het. Hy was ook op die podium in die Grands Prix van Duitsland, België, Rusland en Abu Dhabi. Met 186 punte eindig hy in die vierde plek in die kampioenskap.
In 2015 was die Williams minder mededingend as in die vorige jaar, maar Bottas het daarin geslaag om twee podiumplekke in die Grands Prix van Kanada en Meksiko te haal. Hy eindig vyfde met 136 punte.In 2016 was Williams se motor weer minder mededingend as in die vorige seisoen. Bottas kon eers op die podium eindig in die Kanadese Grand Prix. Met 85 punte het hy op die finale punteleer in die agtste plek geëindig.
Skuif na Mercedes
wysig2017
wysigIn 2017 het Bottas hom by die Mercedes-span aangesluit om die wêreldkampioen Nico Rosberg, wat uit motorsport getree het, se plek in te neem. By die Grand Prix van Bahrein verower hy die eerste keer 'n voorste wegspringplek in sy Formule 1-loopbaan. Hy kon dit egter nie versilwer nie, maar in die daaropvolgende wedren in Rusland het hy sy eerste Formule 1-wedren gewen, nadat hy in die eerste rondte die Ferrari's van Sebastian Vettel en Kimi Räikkönen verbygesteek het, wat hom die vyfde Finn gemaak het om 'n Grand Prix te wen.
Hy het van die derde plek in die volgende ren in Spanje met 'n enjinprobleem onttrek, nadat hy 'n botsing met Verstappen en Räikkönen in die eerste rondte oorleef het. Mercedes was in Monaco van die pas af en het gesukkel om hitte in die bande op te wek. Desondanks het Bottas in die 3de plek gekwalifiseer, minder as 'n tiende sekonde weg van die voorwegspringtyd, terwyl sy spanmaat, Lewis Hamilton, slegs 14de kon kwalifiseer. Bottas eindig 4de in die wedren. Bottas eindig 2de in Kanada, agter spanmaat Hamilton, gevolg deur 'n inhaalren in Azerbeidjan vir 2de, nadat hy in die laaste plek was na 'n botsing met Räikkönen in die eerste rondte. Hy gebruik die veelvuldige veiligheidsmotors en rooi vlagperiode om die bondel in te haal, en die daaropvolgende chaos en drama voor hom het hom in staat gestel om op die laaste oomblik Lance Stroll in te haal vir 2de plek.
Bottas het in die volgende ren in Oostenryk eerste weggespring en 'n sege beklink, terwyl hy Sebastian Vettel se aanvallende Ferrari teen die einde van die wedren moes afweer.
Nadat hy die volgende ren in Brittanje in die 9de plek weggespring het, na 'n vyfplek-straf vir 'n nuwe ratkas, skuif hy deur die veld op na die tweede plek agter Hamilton, deels weens 'n laat pap band aan Kimi Räikkönen se Ferrari. In Hongarye het hy 3de gekwalifiseer en 3de geëindig, met Hamilton wat hom op die laaste draai van die laaste rondte kans gegee het nadat hy Hamilton laat deurgaan het om die Ferrari's aan te val. Na die somervakansie het Bottas 'n 5de plek in België behaal, hy is deur Ricciardo en Räikkönen verbygesteek na die veiligheidsmotor, terwyl sy spanmaat Lewis Hamilton die ren gewen het. Hy het tweede in Italië geëindig.
In Singapoer het hy die ren in die 3de plek voltooi na 'n botsing van vier motors in die eerste rondte wat voor hom plaasgevind het. Daarna eindig hy op die podium vir die volgende drie wedrenne, terwyl Hamilton twee oorwinnings en 'n 2de plek behaal, en Mercedes hul vierde agtereenvolgende vervaardigerskampioenskapstitel in die VSA verower.
In Aboe Dhabi behaal hy sy eerste "grand slam": hy spring voor weg en wen die wedren met die vinnigste rondtetyd.
2018
wysigOp 13 September 2017 het Mercedes aangekondig dat Bottas weer in die 2018-seisoen vir hulle sou jaag.[5] Bottas het goed gevaar in Bahrein deur sy motor derde op die wegspringrooster te plaas, agter die Ferrari's van Vettel en Räikkönen, maar voor Hamilton wat vierde gekwalifiseer het. Met die ren se wegspring kon Bottas Räikkönen verbygesteek. Aan die einde van die ren het Vettel se bande vinnig begin slyt, en Bottas het die gaping binne 'n sekonde na Vettel toegemaak en uiteindelik tweede geëindig, met Hamilton net 'n paar sekondes agter hom.
Bottas het sy spanmaat weer uitoorlê om in die derde plek op die rooster weg te spring, aangesien die Ferrari's die voorry weer in die Chinese Grand Prix uitgesluit het. Hy het weer aan die begin op Räikkönen toegesak, nadat sy mede-Fin deur Vettel wyd gedruk is, en het na tweede plek opgeskuif. Daarna slaag hy om Vettel verby te steek tydens die eerste kuipefase en neem die voortou met 'n skuif aan die buitekant van Räikkönen (wat toe nog nie by die kuipe aangedoen het nie) in die eerste draai. Toe die Toro Rosso's van Brendon Hartley en Pierre Gasly egter bots en 'n veiligheidsmotorperiode afdwing, was Bottas en Vettel reeds verby die ingang van die kuipe en kon hulle nie vir nuwe bande stop nie. Albei die Red Bulls het die vinniger sagte bande aangesit. Ricciardo het van die sesde plek af deur die veld gekom en 'n waaghalsige verbysteek op Bottas uitgevoer met slegs agt rondtes om te gaan. Bottas eindig tweede in die ren en bly derde in die kampioenskap, en 14 punte agter Vettel, die voorloper.
By die volgende ren, in Bakoe, het Bottas weer derde gekwalifiseer, agter Vettel en Hamilton. Hy was in die eerste periode van die ren derde, maar toe Hamilton en Vettel kuipe toe is vir nuwe bande, het Bottas die voortou geërf. Hy het vir nog 15 rondtes voor gebly totdat die Red Bulls gebots het en die veiligheidsmotor ontplooi is. Toe die veiligheidsmotor binnekom, met minder as 'n handvol rondtes om te gaan, het Vettel probeer om Bottas in draai 1 verby te steek, wyd gehardloop en gevolglik tot die vyfde plek geval. Met nog net twee rondtes oor, het Bottas oor 'n stuk rommel gery, en 'n pap regteragterband opgedoen wat hom uit die wedren laat val en aan Hamilton die oorwinning besorg het. Dit het beteken dat Bottas tot die vierde plek in die kampioenskap teruggeval het, 30 punte agter Hamilton in die eerste plek.
Voor die Duitse Grand Prix het Bottas 'n nuwe kontrak met Mercedes vir die 2019-seisoen geteken met 'n opsie vir die 2020-seisoen.[6]
Teen die einde van die seisoen het Bottas die eerste Mercedes-jaer geword wat 'n seisoen sonder 'n oorwinning voltooi het sedert Michael Schumacher in 2012. Met sewe tweede plekke het hy ook 'n nuwe rekord opgestel vir die meeste tweede plekke in 'n seisoen sonder om 'n oorwinning te behaal.[7]
2019
wysigBottas het weer geteken om saam met die wêreldkampioen Lewis Hamilton vir die 2019-seisoen vir Mercedes te jaag. In die eerste rennaweek van die jaar in Australië, het Bottas in die tweede vinnigste tyd agter Hamilton gekwalifiseer. Op Sondag, 17 Maart, wedrendag, het hy Hamilton verbygesteek in draai 1 en hy het die posisie die hele wedren behou na 'n paar uitstekende maneuvers. Hy het ook die vinnigste rondte van die ren aangeteken en dus die ekstra punt verwerf wat toegeken is aan die bestuurder wat die vinnigste renrondte aanteken, volgens die 2019-regulasies. Hy het voortgegaan om met meer as 20 sekondes te wen na sy naaste mededinger en spanmaat Lewis Hamilton.[8]
In Bahrein het hy 2de geëindig na sy spanmaat vir nog 'n een-twee. In die volgende wedren in China, Formule 1 se 1 000ste wedren, het hy vir die eerste keer sedert Rusland 2018 paal ingeneem. Sy spanmaat kon hom by die wegspring verbysteek en het die hele wedren voorgebly om te wen. Bottas het intussen 2de geëindig om Mercedes hul derde een-twee in 'n ry vir 2019 te gee.
In Azerbeidjan het hy sy tweede agtereenvolgende voorwegspringposisie ingeneem, 'n voorry-uitsluiting saam met sy spanmaat Hamilton verseker, en het daarna sy posisie op die rooster omskep in die vyfde renoorwinning van sy loopbaan en sy tweede van 2019. Hamilton het tweede geëindig, wat dit Mercedes se vierde agtereenvolgende een-twee maak.[9]
In Spanje het hy nog 'n voorwegspringposisie behaal en nog 'n voorry-uitsluiting saam met sy spanmaat verseker. Bottas het voortgegaan om tweede agter Hamilton te eindig, wat dit die span se vyfde een-twee namekaar gemaak het.
In die volgende wedren, die Monaco Grand Prix, het Bottas tweede gekwalifiseer agter spanmaat Hamilton, wat sy lopie van drie agtereenvolgende voorwegspringposisies, beginende met China, verbreek het. Hy het uiteindelik derde geëindig, agter Sebastian Vettel en voor Red Bull se Max Verstappen, wat 'n straf van vyf sekondes gekry het vir 'n onveilige wegtrek in die kuipelaan, in Bottas in. Hierdie was die eerste wedren in 2019 wat nie 'n Mercedes 1–2 op die podium gesien het nie. Die wedren het Hamilton sy voorsprong oor Bottas in die bestuurderskampioenkap tot 17 punte gerek.[10]
Aan die einde van die somervakansie voor die Belgiese Grand Prix, is Bottas bevestig om weer in 2020 vir Mercedes te ry, nadat die span besluit het om nie die reserwejaer Esteban Ocon te bevorder nie. Bottas het sy eerste oorwinning in dertien wedrenne by die Japannese Grand Prix behaal. In Meksiko het hy aan die einde van die finale kwalifiserende sessie swaar neergestort, voordat hy uiteindelik die wedren in die 3de plek geëindig het. Bottas het sy sewende loopbaanoorwinning by die volgende wedren in die Verenigde State behaal. Ten spyte van sy oorwinning het hierdie wedren die einde van Bottas se 2019-kampioenskap-hoop gesien, aangesien spanmaat Hamilton 2de geëindig het om die Wêreldjaerkampioenskap-titel te verower. Bottas het 'n enjinonderbreking in Brasilië gehad wat tot sy tweede uittrede van die seisoen gelei het, en het die seisoen afgesluit met 'n 4de plek in Aboe Dhabi.
Bottas het die 2019-seisoen in die 2de plek in die kampioenskap afgesluit met 326 punte, die suksesvolste seisoen van sy loopbaan tot nog toe. Hy het vier oorwinnings, vyftien podiumplekke, vyf paalposisies en drie vinnigste rondtes aangeteken.
2020 en 2021
wysigBottas het in 2020 steeds vir Mercedes meegeding, nadat hy ingestem het tot 'n verlenging van een jaar van sy kontrak gedurende die 2019-seisoen.[11] Hy het die vinnigste tyd in voorseisoense toetse op die Circuit de Barcelona-Catalunya opgestel.
Bottas het tydens die Oostenrykse Grand Prix, wat die seisoen geopen het, voor gekwalifiseer en die wedren van begin tot einde gelei.[12] Voor die Stiermarkse Grand Prix het dit aan die lig gekom dat Bottas en sy span Mercedes deur die FIA ondersoek word vir die moontlike oortreding van COVID-19-veiligheidsprotokolle nadat hy na Monaco teruggekeer het. Bottas het in nat toestande vierde gekwalifiseer vir die Stiermarkse Grand Prix en het tweede in die wedren agter Hamilton geëindig, wat sy kampioenskapvoorsprong tot ses punte verminder het.[13] Bottas het tweede agter Hamilton by die Hongaarse Grand Pri gekwalifiseer, maar het 'n swak wegspring gemaak en vier plekke by die eerste draai verloor. Hy kon teen die einde van die Grand Prix na die derde plek herstel, maar het sy kampioenskapvoorsprong aan Hamilton afgestaan.[14]
Bottas het weer tweede agter Hamilton by die Britse Grand Prix gekwalifiseer. Hy het vir die grootste deel van die wedren kort op Hamilton se hakke gevolg, maar in die laaste rondtes teruggeval voordat hy 'n pap band opgedoen het met vier rondtes oor. Hy het by die kuipe aangedoen vir 'n bandruil en het uiteindelik die eindstreep in die 11de plek oorgesteek.[15] Bottas het die volgende week se 70ste Herdenking Grand Prix die beste kwalifiseringsplek behaal, maar bandekwessies vir die Mercedes-motors het Max Verstappen toegelaat om albei verby te steek en die wedren te wen. Bottas het in die laaste rondtes tot die derde plek agter Hamilton geval. Hierdie uitslag het veroorsaak dat Bottas tot die derde plek in die jaerskampioenskap teruggesak het.[16] Bottas het tweede vir die Spaanse Grand Prix gekwalifiseer, maar het posisies aan die begin verloor en derde geëindig agter Verstappen. By die Belgiese Grand Prix het hy tweede gekwalifiseer en die posisie tydens die wedren beklee. Hy het weer tweede vir die Italiaanse Grand Prix gekwalifiseer, maar het in die openingsrondtes tot die sesde plek geval en sou eers tot vyfde by die wenstreep herstel. Verstappen se uitval uit die wedren het Bottas in staat gestel om die tweede plek in die jaerskampioenskap te herwin, 47 punte agter Hamilton.
By die Toskaanse Grand Prix het Bottas in die eerste rondte die voortou geneem by Hamilton. Die wedren was in die sewende rondte met 'n rooi vlag gestop ná 'n veelmotorongeluk, en Bottas het kort ná die herbegin die voorsprong van die wedren aan Hamilton afgestaan en uiteindelik tweede geëindig. Hy het derde agter Hamilton en Verstappen vir die Russiese Grand Prix gekwalifiseer, maar het voordeel getrek uit strawwe wat aan Hamilton uitgereik is vir voorren-oefenoortredings om eerste die wenstreep oor te steek en die negende Grand Prix-oorwinning van sy loopbaan te behaal. Bottas het paalposisie ingeneem vir die Eifelse Grand Prix by die Nürburgring, maar is ná sy wiele gesluit het in draai 1 deur Hamilton ingehaal vir die voortou, en het later verder agter geraak nadat Hamilton tydens 'n virtuele veiligheidsmotorperiode 'n kuipestop kon maak. Kort daarna het Bottas oor 'n kragverlies gekla en hy is gedwing om uit die wedren te onttrek, wat Hamilton se kampioenskapvoorsprong tot 69 punte vergroot het. Bottas het tweede geëindig in beide die Portugese en Emilia Romagna Grands Prix. Hy het by laasgenoemde die voorposisie ingeneem, maar in die vroeë rondtes skade van puin opgedoen en tot derde teruggeval voordat Verstappen met 'n pap band uitgeval het.
Bottas het ook sy kontrak met Mercedes tot 2021 verleng, sy laaste jaar vir dié span.[17]
Alfa Romeo
wysig2022
wysigBottas is sedert 2022 onder kontrak by Alfa Romeo-Ferrari op 'n meerjarige ooreenkoms.[18] Hy neem saam met die nuweling Zhou Guanyu as spanmaat deel.[19]
Formule Een-uitslae
wysig
|
|
Jaar | Inskrywer | Onderstel | Enjin | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | Plek | Punte |
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
2012 | Williams F1 | Williams FW34 | Renault RS27-2012 2.4 V8 | AUS |
MAL TD |
CHN TD |
BHR TD |
SPA TD |
MON |
KAN |
EUR TD |
GBR TD |
DUI TD |
HON TD |
BEL TD |
ITA TD |
SIN |
JPN TD |
KOR TD |
IND TD |
ABU TD |
VSA |
BRA TD |
– | – | ||||
2013 | Williams F1-span | Williams FW35 | Renault RS27-2013 2.4 V8 | AUS 14 |
MAL 11 |
CHN 13 |
BHR 14 |
SPA 16 |
MON 12 |
KAN 14 |
GBR 12 |
DUI 16 |
HON DNF |
BEL 15 |
ITA 15 |
SIN 13 |
KOR 12 |
JPN 17 |
IND 16 |
ABU 15 |
VSA 8 |
BRA DNF |
17 | 4 | |||||
2014 | Williams Martini Racing | Williams FW36 | Mercedes PU106A Hybrid 1.6 V6 t | AUS 5 |
MAL 8 |
BHR 8 |
CHN 7 |
SPA 5 |
MON DNF |
KAN 7 |
OOS 3 |
GBR 2 |
DUI 2 |
HON 8 |
BEL 3 |
ITA 4 |
SIN 11 |
JPN 6 |
RUS 3V |
VSA 5 |
BRA 10 |
ABU 3 |
4 | 186 | |||||
2015 | Williams Martini Racing | Williams FW37 | Mercedes-AMG PU106B Hybrid 1.6 | AUS DNS |
MAL 5 |
CHN 6 |
BHR 4 |
SPA 4 |
MON 14 |
KAN 3 |
OOS 5 |
GBR 5 |
HON 13 |
BEL 9 |
ITA 4 |
SIN 5 |
JPN 5 |
RUS 12† |
VSA DNF |
MEX 3 |
BRA 5 |
ABU 13 |
5 | 136 | |||||
2016 | Williams Martini Racing | Williams FW38 | Mercedes-AMG PU106C Hybrid 1.6 | AUS 8 |
BHR 9 |
CHN 10 |
RUS 4 |
SPA 5 |
MON 12 |
KAN 3 |
EUR 6 |
OOS 9 |
GBR 14 |
HON 9 |
DUI 9 |
BEL 8 |
ITA 6 |
SIN DNF |
MAL 5 |
JPN 10 |
VSA 16 |
MEX 8 |
BRA 11 |
ABU DNF |
8 | 85 | |||
2017 | Mercedes AMG Petronas F1-span | Mercedes-AMG F1 W08 EQ Power+ | Mercedes M08 EQ Power+ 1.6 V6 t | AUS 3 |
CHN 6 |
BHR 3P |
RUS 1 |
SPA DNF |
MON 4 |
KAN 2 |
AZE 2 |
OOS 1P |
GBR 2 |
HON 3 |
BEL 5 |
ITA 2 |
SIN 3 |
MAL 5 |
JPN 4V |
VSA 5 |
MEX 2 |
BRA 2P |
ABU 1PV |
305 | |||||
2018 | Mercedes AMG Petronas F1-span | Mercedes-AMG F1 W09 EQ Power+ | Mercedes M09 EQ Power+ 1.6 V6 t | AUS 8 |
BHR 2V |
CHN 2 |
AZE 14†V |
SPA 2 |
MON 5 |
KAN 2 |
FRA 7V |
OOS DNFP |
GBR 4 |
DUI 2 |
HON 5 |
BEL 4V |
ITA 3 |
SIN 4 |
RUS 2PV |
JPN 2 |
VSA 5 |
MEX 5V |
BRA 5V |
ABU 5 |
5 | 247 | |||
2019 | Mercedes AMG Petronas F1-span | Mercedes-AMG F1 W10 EQ Power+ | Mercedes M10 EQ Power+ 1.6 V6 t | AUS 1V |
BHR 2 |
CHN 2P |
AZE 1P |
SPA 2P |
MON 3 |
KAN 4V |
FRA 2 |
OOS 3 |
GBR 2P |
DUI DNF |
HON 8 |
BEL 3 |
ITA 2 |
SIN 5 |
RUS 2 |
JPN 1 |
MEX 3 |
VSA 1P |
BRA DNFV |
ABU 4 |
326 | ||||
2020 | Mercedes AMG Petronas F1-span | Mercedes-AMG F1 W11 EQ Performance | Mercedes M11 EQ Performance 1.6 V6 t | OOS 1V |
STI 2 |
HON 3 |
GBR 11 |
70J 3V |
SPA 3P |
BEL 2 |
ITA 5 |
TOS 2 |
RUS 1P |
EIF DNF |
POR 2 |
EMI 2 |
TUR 14 |
BAH 8 |
SAK 8 |
ABU 2 |
223 | ||||||||
2021 | Mercedes AMG Petronas F1-span | Mercedes-AMG F1 W12 E Performance | Mercedes M12 E Performance 1.6 V6 t | BAH 3V |
EMI DNF |
POR 3PV |
SPA 3 |
MON DNF |
AZE 12 |
FRA 4 |
STI 3 |
OOS 2 |
GBR *33 |
HON DNF |
BEL‡ 12 |
NED 3 |
ITA 3 |
RUS 5 |
TUR 1PV |
VSA 6 |
MXS 15PV |
SAP *13P |
KAT DNF |
SAU 3 |
ABU 6 |
226 | |||
2022 | Alfa Romeo Racing | Alfa Romeo C42 | Ferrari 066/7 V6 | BHR 6 |
SAU DNF |
AUS 8 |
EMI 7 5 |
MIA 7 |
SPA 6 |
MON 9 |
AZE 11 |
KAN 7 |
GBR DNF |
OOS 10 11 |
FRA 14 |
HON 20 |
BEL DNF |
NED DNF |
ITA 13 |
SIN 11 |
JPN 15 |
VSA DNF |
MXS 10 |
SAP 9 |
ABU 15 |
10 | 49 | ||
2023 | Alfa Romeo Racing | Alfa Romeo C43 | Ferrari 066/10 V6 | BHR 8 |
SAU 18 |
AUS 11 |
AZE 18 |
MIA 13 |
MON 11 |
SPA 19 |
KAN 10 |
OOS 15 |
GBR 12 |
HON 12 |
BEL 12 |
NED 14 |
ITA 10 |
SIN DNF |
JPN DNF |
KAT 8 |
VSA 12 |
MXS 15 |
SAP DNF |
LSV 17 |
ABU 19 |
15 | 10 | ||
2024 | Kick Sauber | Kick Sauber C44 | Ferrari 066/12 1.6 V6 | BHR 19 |
SAU 17 |
AUS 14 |
JPN 14 |
CHN DNF |
MIA 16 |
EMI 18 |
MON 13 |
KAN 13 |
SPA 16 |
OOS 16 |
GBR 15 |
HON 16 |
BEL 15 |
NED 19 |
ITA |
AZE |
SIN |
VSA |
MXS |
SAP |
LSV |
KAT |
ABU |
21ste* | 0* |
Jaar | Inskrywer | Onderstel | Enjin | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | Plek | Punte |
- *1 Wenner van die snelkwalifisering.
- *3 Derde in die snelkwalifisering.
- * Seisoen nog aan die gang.
- † Kon nie die ren voltooi nie, maar is geklassifiseer omrede hy meer as 90% van die wedrenafstand afgelê het.
- ‡ Halwe punte is in België toegeken in 2021 omdat daar minder as 75% van die wedren afgelê is weens hewige reën.
Verwysings
wysig- ↑ "Valtteri Bottas". Formula1.com. Besoek op 27 Desember 2019.
- ↑ "Valtteri Bottas stuns Vettel and Hamilton to win F1's Russian GP". Guardian. 1 Mei 2017. Besoek op 3 Mei 2017.
- ↑ (nl) Bottas ingelijfd als nieuwe testcoureur Williams
- ↑ (nl) Williams bevestigt Bottas en Maldonado
- ↑ (en) "Silver Arrows and Valtteri Bottas together in 2018". Mercedes F1 team. Geargiveer vanaf die oorspronklike op 4 Oktober 2020. Besoek op 13 September 2017.
- ↑ "Valtteri Bottas signs new Mercedes contract to keep him alongside Lewis Hamilton for 2019 and beyond". The Daily Telegraph. 20 Julie 2018. Besoek op 20 Julie 2018.
- ↑ "Hamilton signs off title-winning campaign with dominant Abu Dhabi victory". Formula1.com. 25 November 2018. Besoek op 25 November 2018.
- ↑ "Valtteri Bottas dominates Australian Grand Prix to win Formula One opener". Guardian. 17 Maart 2019. Besoek op 20 Maart 2019.
- ↑ "Valtteri Bottas wins Azerbaijan Grand Prix with Lewis Hamilton second". Guardian. 28 April 2019. Besoek op 30 April 2019.
- ↑ "2019 Driver Standings". Formula 1. Geargiveer vanaf die oorspronklike op 26 Mei 2019. Besoek op 31 Mei 2019.
- ↑ "Valtteri Bottas to stay at Mercedes for 2020 F1 season alongside Lewis Hamilton". www.formula1.com (in Engels). Besoek op 29 Mei 2020.
- ↑ "Qualy: Valtteri Bottas spins off but still takes pole". 4 Julie 2020.
- ↑ "Hamilton takes dominant Styrian GP win". BBC Sport. Besoek op 14 Julie 2020.
- ↑ "Hamilton romps to eighth Hungarian Grand Prix win, as Verstappen recovers to second". formula1.com. 19 Julie 2020.
- ↑ Medland, Chris (2 Augustus 2020). "2020 British Grand Prix race report: Hamilton holds on after final lap blowout". motorsportmagazine.com. Besoek op 21 November 2020.
- ↑ Medland, Chris (9 Augustus 2020). "2020 F1 70th Anniversary GP report: Verstappen win to spark title challenge?". motorsportmagazine.com. Besoek op 21 November 2020.
- ↑ Galloway, James (6 Augustus 2020). "Bottas signs extension with Mercedes for the 2021 F1 season". Sky Sports. Besoek op 6 Augustus 2020.
- ↑ "Alfa Romeo announce Valtteri Bottas to join the team in 2022 on multi-year deal". Formula1.com (in Engels). 6 September 2021. Besoek op 6 September 2021.
{{cite web}}
: AS1-onderhoud: url-status (link) - ↑ "Alfa Romeo announce Guanyu Zhou as Valtteri Bottas's team mate for 2022". Formula1. 16 November 2021. Besoek op 16 November 2021.
{{cite web}}
: AS1-onderhoud: url-status (link)