Snawelvis
Snawelvis | |
---|---|
![]() | |
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Familie: | |
Subfamilie: | |
Genus: | |
Spesie: | M. macrolepidotus
|
Binomiale naam | |
Marcusenius macrolepidotus (W. K. H. Peters, 1852)
|
Die Snawelvis (Marcusenius macrolepidotus) is 'n varswatervis wat in die Okavango-, Kunene- en Zambezirivier voorkom. Hulle kom ook in riviere voor aan die ooskus van Afrika tot by die Umhlatuzirivier in KwaZulu-Natal. Die vis kom ook in die Kongorivier-stelsel voor. In Engels staan die vis as die Bulldog bekend.
Voorkoms
[wysig | wysig bron]Die vis se lyf is redelik lank, met die dorsale en anale vinne agter op die lyf. Die dorsale vin is kleiner as die anale vin. Die vis se kleur wissel van lig goudbruin tot donker olyf of grys met donkerbruin vlekke en brons kolle op die lyf. Die vis word tot 300 mm lank en die Suid-Afrikaanse, Zimbabwe en Malawi hengelrekords is 0.333 kg, 0.318 kg en 0.2 kg onderskeidelik.
Habitat
[wysig | wysig bron]Die vis leef in skole in riviere en vloedvlaktes wat vol plantegroei is met modderagtige bodems. Snags beweeg hulle na die kante. Hulle vreet ongewerweldes en broei in die reënseisoen in vlak water met baie plantegroei. Die wyfie dra tot 6 000 eiers. Hulle migreer stroomop maar dit is onbekend of dit vir broeidoeleindes is. In die Okavangorivier is hulle die prooi van die Clariidae-babers gedurende die jaarlikse stroomop migrasie.
Sien ook
[wysig | wysig bron]- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bron
[wysig | wysig bron]- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1