Arthur Elliott (1870 - 20 November, 1938) was 'n Suid-Afrikaanse fotograaf en oudheidkundige. Hy is 1870 in die Verenigde State gebore en gaan as seeman na die Verre Ooste. Hy arriveer in 1890 in Suid-Afrika, hou verskeie padvertonings en help om die grammofoon in Suid-Afrika bekend te stel. Hy was verantwoordelik vir die opname van die stem van president Paul Kruger, maar ongelukkig het die plaat tot niet geraak. Hy het veral beroemdheid verwerf met sy stelselmatige fotografering van historiese geboue geboue en die bewaring van unieke foto's wat Suid-Afrika se ontwikkeling uitbeeld. Na baie geskille het die Unieregering uiteindelik sy versameling van 10,000 negatiewe vir die Argief bekom, dit staan bekend as die Elliott-versameling. Hy het voor sy dood in 1938 baie uitstalling van sy werk in Kaapstad gehou.