Medowoecha
Medowoecha | ||
![]() | ||
'n Skildery deur Konstantin Makofski met medowoecha. | ||
Soort gereg | Drankie | |
Land | Slawiese lande | |
Hoofbestanddeel | Heuning | |
Soortgelyke geregte | Heuningbier |
Medowoecha (Russies: медову́ха, Oekraïns: меду́ха, medoecha, Belarussies: мяду́ха/медаву́ха, mjadoecha/medawoecha) is 'n Slawiese heuninggebaseerde alkoholiese drankie soortgelyk aan heuningbier, maar dit gis vir 'n korter tyd (sowat 'n maand). Die woord dateer uit die Proto-Indo-Europese *médʰu ("heuning").
In Oos-Europa is die drankie sedert heidense dae bekend en was dit tot in die 19de eeu gewild, anders as in Wes-Europa, waar heuningbier teen die Middeleeue reeds deur hoofsaaklik bier en wyn vervang is.
Geskiedenis
[wysig | wysig bron]Byeboerdery was een van die eerste Slawiese bedrywe. Die Slawiërs het ontdek dat heuning kan gis, en die eerste gegiste heuning het as 'n luukse-item in Europa verskyn, waar dit in groot hoeveelhede ingevoer is.
Gisting duur natuurlik sowat 15 tot 50 jaar en daarom was medowoecha oorspronklik duur en net die adel beskore. Die Slawiërs het egter 'n manier gevind om gisting gouer te laat plaasvind deur die heuningmengsel te verhit. Dit het meegebring dat medowoecha 'n drankie vir die gewone mense van Kiëf-Roes geword het.
Skakels
[wysig | wysig bron]Hierdie artikel is in sy geheel of gedeeltelik uit die Engelse Wikipedia vertaal.