Parnassus Trio
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Parnassus Trio is 'n klaviertrio wat in 1982 gestig is deur die pianis Friedemann Rieger, die violis Wolf-Dieter Streicher en die tjellis Michael Gross.
Werk
[wysig | wysig bron]Die Parnassus Trio is vernoem na Berg Parnassos, wat bekend is in die Griekse mitologie as 'n heilige berg van die god Apollo en die Korikiaanse nimfe, asook as die tuiste van die muse.
Slegs 'n paar maande na die stigting van die trio het die drie jong kunstenaars die eerste prys gewen tydens die Kamermusiek-kompetisie in Colmar. Konsertverpligtinge en radio- en CD-opnames vir die plaatetiket Musikproduktion Dabringhaus & Grimm het hierop gevolg. Die trio het gou 'n permanente plek in die internasionale konsertprogram oopgespeel. Die trio het hulle daartoe verbind om bykomend tot die standaard repertoire, ook minder bekende of onregverdig-vergete en verwaarloosde werke te speel en op te neem. In 1989 het Chia Chou by die trio aangesluit as die nuwe pianis; en in 2005 het Yu Yamei die viooldeel oorgeneem.
Die trio se volledige opname van Mozart se klaviertrios is hoog aangeprys deur die BBC as 'n definitiewe interpretasie wat moderne instrumente betref. Ewe suksesvol was opnames van al die klaviertrios deur Beethoven, Brahms en Schumann, asook 'n goeie dosyn opnames van ander komponiste. Eerste opnames van werke deur Edouard Lalo, Joseph Rheinberger, Philipp Scharwenka en Woldemar Bargiel het gevolg. Die trio het ook by wyse van hul opvoerings die kamermusiek van Prins Louis Ferdinand van Pruise meer bekend gemaak.
Die trio speel in Europa sowel as in Amerika, waar hul in Oktober 1996 as gaste van die "Great Performers Series" in New York se Lincoln Center opgetree het. Die trio tree dikwels op as gaste van Duitse uitsaaiers, omrede hul nie huiwer om op innoverende wyse nuwe en onbekende stukke in hul programme te integreer nie. Die trio het op dié wyse al baie meesterstukke laat herleef. In 1999 is die Parnassus Trio aangewys as een van die twee voorste hedendaagse klaviertrios deur die Britse tydskrif Classic CD.
In die begin van 2013 was die pianis Chia Chou vervang deur Henri Sigfridsson. Sedert 2016 speel die Parnassus Trio saam met Johann Blanchard, Julia Galić en Michael Gross.
Notas
[wysig | wysig bron]Hierdie artikel is in sy geheel of gedeeltelik vanuit die Duitse Wikipedia vertaal. |