Patrick Fillion
Patrick Fillion | |
---|---|
Gebore | 1973 Quebec, Kanada |
Beroep | Skrywer, illustreerder |
Bekendste werk | Camili-Cat Naked Justice |
Patrick Fillion (gebore in 1973)[1] is 'n Kanadese illustreerder en skrywer van strokiesverhale met temas van gay erotika.
Fillion is in Quebec gebore en het op 'n jong ouderdom strokiesprente en naakte figure begin teken, maar nadat hy in 1991 na Vancouver verhuis en deel van die gay gemeenskap geword het, het sy werk ontwikkel van gematig tot eksplisiete erotika. Mettertyd het sy styl al hoe riskanter materiaal ingesluit wat hy self as 'n unieke styl gepubliseer het.[2]
In 2004 het Fillion en sy lewensmaat hulle eie uitgewery, Class Comics Inc., gestig wat 'n wye verskeidenheid gay erotiese strokiesverhale uitgegee het.
Die blootstelling van Fillion se karakters in Montreal se tydskrif Zip het gelei tot 'n ooreenkoms met die groot uitgewer Bruno Gmünder, wat van sy boeke soos Heroes, Mighty Males en Hot Chocolate uitgegee het.[3] Class Comics se titels word deur Gmünder in Duits en deur H&O Editions in Frans vertaal.
Karakters
[wysig | wysig bron]Fillion se reeks karakters is hoofsaaklik jong, gespierde mans met buitengewoon groot penisse. Hulle bevind hulleself in talle gevaarlike en seksuele situasies, wat dikwels buiteaardse wesens en superskurke insluit.
Camili-Cat
[wysig | wysig bron]Camili-Cat het in 1986 die eerste keer in Magma Forces #5 verskyn. Hy is die laaste van 'n buiteaardse humanoïede spesie wat deels katagtig is. "Cam se tuisland is vernietig toe hy maar 'n kind was. Nou swerf hy deur die sterrestelsel met die hoop dat hy ander oorlewendes van sy spesie sal vind."[4]
Naked Justice
[wysig | wysig bron]Naked Justice is 'n superheld met 'n groot penis wie se kostuum net uit stewels, lang handskoene en 'n gesigsmasker bestaan. Hy het in 2000 die eerste keer verskyn in twee uitgawes van sy eie reeks.[5]
Class Comics: huidige uitgawes
[wysig | wysig bron]
|
|
Kalenders
[wysig | wysig bron]- Hot Chocolate - 2007
Verwysings
[wysig | wysig bron]- ↑ Patrick Fillion interview - Gayleague.com
- ↑ "Artist Profile - PatrickFillion.com". Geargiveer vanaf die oorspronklike op 4 Maart 2016. Besoek op 13 Augustus 2023.
- ↑ ""Comics: Patrick Fillion's super sexy worlds" - Xtra.ca". Geargiveer vanaf die oorspronklike op 5 Februarie 2012. Besoek op 13 Augustus 2023.
- ↑ Camili-Cat - ClassComics.com
- ↑ Naked Justice - ClassComics.com
Skakels
[wysig | wysig bron]- PatrickFillion.com
- Character bios - PatricFillion.com
- ClassComics.com
- Patrick Fillion blog - Boytoons.blogspot.com
Hierdie artikel is in sy geheel of gedeeltelik uit die Engelse Wikipedia vertaal.