Vlag van Aruba
![]() |
|
Gebruik | Burgerlike- en Staatsvlag ![]() |
---|---|
Verhouding | 2:3 |
Goedgekeur | 18 Maart 1976[1] |
Ontwerp | ’n Blou agtergrond met ’n rooi vierpuntige ster in die skildhoek en twee geel bane in die onderste helfte. |
Die nasionale vlag van Aruba is op 18 Maart 1976 amptelik in gebruik geneem. Hierdie dag word ook “Dag van de Vlag” genoem. Dit beteken letterlik vlagdag en hierdie dag word gevier op ses voormalige eilande van die Koninkryk van die Nederlande wat aan die Nederlandse Antille behoort het. Dit is ’n vakansiedag waar daar baie amptelike seremonies is en die vlag vertoon word. Die vlag vertoon ’n blou agtergrond met ’n rooi vierpuntige ster met wit fraaiings in die skildhoek en twee dun geel bane in die onderste helfte van die vlag.
Simboliek
[wysig | wysig bron]Die blou vlag stel die lug, die see, vrede, hoop en Aruba se toekoms en bande met sy verlede voor. Die twee geel bane verteenwoordig die beweging na ’n afsonderlike status. Een verteenwoordig die "vloei van toeriste na die sonnige Aruba wat die eiland en toeriste verryk" en die ander verteenwoordig die "industrie, al die minerale (goud en fosfate in die verlede en petroleum in die vroeë 20ste eeu)".[2] Verder stel die geel ook nog die wangloblomme van die eiland voor.
Die ster het ’n besondere ingewikkelde simboliek. Dit is in vlagkunde redelik ongewoon om ’n vlag met vier punte te sien. Hierdie vier punte stel die vier windrigtings voor. Dit dui op sy beurt die verskillende lande aan waaruit die Arubane ontstaan het. Dit stel ook die vier hoof tale van Aruba nl. Papiaments, Spaans, Engels en Nederlands voor. Die ster stel ook die eiland self voor. Die grond is op baie plekke rooierig waar dit dan aan wit strande en die blou oseaan grens. Die rooi stel ook die bloedvergieting voor wat plaasgevind het in oorloë tesame met vroeëre Indiaanse inwoners, patriotiese liefde en Brasiliaanse hout. Wit stel ook reinheid en eerlikheid voor.
Ander vlae
[wysig | wysig bron]-
Vlag van die Goewerneur van Aruba (let op die Nederlandse vlag aan die bo- en onderkant van die vlag)
Verwysings
[wysig | wysig bron]- ↑ (en) "Aruba". Flags of the World. Besoek op 21 Mei 2019.
- ↑ (en) "Hoe Aruba se vlag gekies is" (html). Geargiveer vanaf die oorspronklike op 9 Oktober 2019. Besoek op 27 Oktober 2010.
Eksterne skakels
[wysig | wysig bron]![]() |
Wikimedia Commons bevat media in verband met Vlae van Aruba. |
- (en) Aruba by Flags of the World.
- (en) "Flag of Aruba". Encyclopædia Britannica. Besoek op 21 Mei 2019.
Hierdie artikel is in sy geheel of gedeeltelik vanuit die Engelse Wikipedia vertaal. |