Chisum
Chisum (títol orichinal, enguerada en Aragón con ixe mesmo títol) ye una cinta de cine estausunidense de cine de western de l'anyo 1970 dirichida por Andrew V. McLaglen seguntes un guión orichinal de Andrew J. Fenady, con una banda sonora orichinal de Dominic Frontiere, una dirección de fotografía de William H. Clothier y una producción cinematografica d'Andrew J. Fenady ta las productoras Batjac Productions, Warner Bros. y Polyphony Digital. Forman l'elenco d'actors d'a cinta, entre d'atros, John Wayne, Forrest Tucker, Christopher George, Ben Johnson, Glenn Corbett, Andrew Prine, Bruce Cabot, Patric Knowles, Richard Jaeckel, Lynda Day, Geoffrey Deuel, Pamela McMyler, John Agar, Lloyd Battista, Robert Donner, Ray Teal, Edward Faulkner, Ron Soble, John Mitchum, Glenn Langan, Alan Baxter, Alberto Morin, Bill Bryant, Pedro Armendáriz Jr., Christopher Mitchum, John Pickard, Abraham Sofaer, Gregg Palmer, Hank Worden y Pedro Gonzalez Gonzalez.
John Chisum ye un 1878 un cabalero propietario d'un gran rancho y d'un gran rabanyo de vacumen en o condau de Lincoln, en Nuevo Mexico. En o condau s'ha instalau Lawrence Murphy, un irlandés veterano d'a Guerra Civil d'os Estaus Unius que a meyas con lo suyo amigo James Dolan merca emplegando metodos violentos una gran cantidat de negocios y tierras en o condau. Encara que a Chisum li repugna lo suyo comportamiento, en primeras decide no intervenir, encara que aduya a los charcaneros que se veyen perchudicaus por Murphy y lo suyo socio. William J. Brady, lo "sheriff" corrupto d'o lugar, sobornau por Murphy, contracta a uns ladrons ta que roben o ganau de Chisum, y como resultau mueren dos d'os treballadors de Chisum. En a persección d'os ladrons Chisum recibe lo refirme de Billy o Nino, que treballa como guardaspaldas de John Henry Tunstall, un filantropo britanico amigo y vecín de Chisum. Cuan Sallie, la sobrina de Chisum, plega en a dilichencia ta vivir con él, tamién plegan en o condau Alexander McSween y su muller Sue, a qui Murphy heba contractau ta que estase lo suyo avogau. Mientres a fiesta que se fa en honor de Sallie, Murphy ninvía a mas ladrons ta robar mas ganau a Chisum, pero ista vegada os suyos hombres son aduyaus por Pat Garrett, que yera de camín y ha podiu veyer as maquinacions d'os hombres de Murphy. Encara que lo chuez JB Wilson refirma a Chisum, os hombres de Murphy matan a Tunstall y Billy o Nino chura vengar-se. Ha esclatau lo que se conoix como la "guerra d'o condau de Lincoln".
A cinta s'ambienta en 1878 en Nuevo Mexico y las suyas escenas se filmoron en Santa Fe en Nuevo Mexico y en Calabasas en California, amás d'en o estau de Durango en Mexico.[2]
Ye una cinta que ha recibiu bels premios, encara que garra d'éls no perteneixe a los premios cinematograficos mas conoixius u destacaus.
Actor | Papel | Notas |
---|---|---|
' |
Se veiga tamién
editarReferencias
editar- ↑ 1,0 1,1 (en) Enguero de Chisum en Internet Movie Database.
- ↑ (en) Localizacions de Chisum en Internet Movie Database.
- ↑ (en) Chisum en Internet Movie Database.