Rubén Ramos
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Rubén Ramos Antón | |
---|---|
![]() Rubén Ramos en as Chornadas de Nogará 2010 | |
Información personal | |
Calendata de naixencia | 1972 |
Puesto de naixencia | ![]() |
Ocupación | Periodista y escritor |
Rubén Ramos Antón (Zaragoza, 1972) ye un periodista y escritor aragonés. Licenciau en Ciencias Socials y d'a Infomación (branca de Periodismo) por a Universidat d'o País Basco. Ye miembro de l'Asociación Cultural Nogará-Religada dende 1993.
Conoix l'aragonés dende bien chicot, en primerías a traviés de Sant Chorche, y dimpués de Sobrarbe[1].
Ha escrito buen amiro d'articlos y treballos sobre l'aragonés en publicacions como Siete de Aragón (d'o cual estió cordinador en diferents etapas), o Diario de Bolsillo de Zaragoza, Trébede y en zaguerías en O Espiello (revista editada por l'Asociación Cultural Nogará-Religada). Tamién participó y cordinó o programa de radio O mirallo, en a emisora de radio zaragozana Radio Ebro.[2]
En luenga castellana ha publicau de conchunta con o historiador Carlos Serrano Lacarra os libros "El aragonesismo en la transición (I y II)" y ha contrebuyiu ta o libro La selección aragonesa de fútbol de Rafael Rojas. En aragonés ha escrito as novelas Bidas Crebazadas y En l'altro canto d'a güega, con as que ganó o Premio Arnal Cavero en as edicions de 2006 y 2008. Iste zaguero cuenta a historia de María, que ye una choven plena de suenios que conoix a Miguel, un montanyés que ha habiu de marchar d'o suyo lugar. Chuntos se capuzan en os embordiellos politicos d'a Zaragoza d'os anyos trenta d'o sieglo pasato.
Obras
editar- Rafael Rojas. La Selección Aragonesa de fútbol. Federación Aragonesa de Fútbol. ISBN 84-95490-66-8. (Colaborador)
- Chunto a Carlos Serrano Lacarra.El aragonesismo en la transición. Vol. 1, Alternativas aragonesistas y propuestas territoriales (1972-1978). 2002. Zaragoza. Rolde de Estudios Aragoneses. ISBN 84-87333-64-8.
- Chunto a Carlos Serrano Lacarra. El aragonesismo en la transición. Vol. 2, Regionalismo y nacionalismo en el Aragón preautonómico (1978-1983). 2003. Zaragoza : Rolde de Estudios Aragoneses. ISBN 84-87333-67-2.
- Bidas Crebazadas. 2006. Gobierno de Aragón. Centro del Libro de Aragón. Literaturas de Aragón. Serie en lengua aragonesa. ISBN 84-87333-64-8.
- En l'altro canto d'a güega, Diputación Cheneral d'Aragón, chunio de 2009. ISBN 9788483801611.
Referencias
editarPredecesor: Fernando Romanos Hernando |
Premio Arnal Cavero 2006 |
Succesor: Carmina Paraíso Santolaria |
Predecesor: Carmina Paraíso Santolaria |
Premio Arnal Cavero 2008 |
Succesor: Santiago Paricio Martín |