Día Internacional d'os Treballadors

O Día Internacional d'os Treballadors, o Primero de Mayo, ye la festa reivindicativa del movimiento obrero mundial.

Ista chornada de luita por os dreitos d'os treballadors fue establida en o congreso obrero socialista celebrau en París en 1889. Se decidió que en homenache a os Mártirs de Chicago, condenaus a muerte por a revuelta de Haymarket, l'1 de mayo sería o día de protesta y reclamacions obreras. Por ixas envueltas, a gran reivindicación que s'establió estió a chornada de 8 horas. A vada yera o instrumento que se decidió d'emplegar cada 1 de mayo ta forzar a la patronal y os estaus liberals a acceptar a chornada de 8 horas.

A campanya tenió prou exito y, poquet a poquet, prenió importancia y se consolidó como chornada de luita de tot o movimiento obrero mundial, dillá d'as tendencias y faccions ideolochicas. Con a conquiesta de milloras laborals y socials, o día fue perdendo carga reivindicativa ta prener un caracter mas festivo y de remeranza d'os feitos de Chicago en 1886. Actualment, en cuasi toz os países occidentals (Estaus Unius y o Reino Uniu en son excepcions notables) ye un día festivo y ya cuasi sin carga reivindicativa; asinas s'ha perdiu en gran mida o caracter commemorativo ta convertir-se en una simpla fiesta mas d'o calandario.

En Estaus Unius, Puerto Rico y Canadá, celebran el Labor Day, o primer lunes de setiembre.

O Primero de Mayo actual en Aragón

Actualment en Aragón, o Primero de Mayo se celebra con manifestacions por as carreras d'as prencipals ciudaz d'o país, organizadas por os prencipals sendicatos y organizacions obreras.