Morrano
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Morrano | |
| Lugar d'Aragón | |
 Anvista cheneral. | |
| Entidat • País • Provincia • Comarca • Municipio |
Lugar Aragón.svg){kind=small} UescaSemontano de Balbastro Biarche |
| Partiu chudicial | Balbastro |
| Población • Total |
44 hab. (2011) |
| Altaria • Meyana |
642 m. |
| Distancia • 40 km |
enta Uesca |
| Codigo postal | 22141 |
| Chentilicio | Morraniense |
| Patrons | Sant Pero |
| Parroquial • Diocesi • Arcipestrau • Parroquia |
Uesca Semontano-Sobrarbe Sant Pero Apóstol |
| Coordenadas | |
| Web oficial | |
Morrano ye un lugar aragonés d'o municipio de Biarche, situato en a comarca d'o Semontano de Balbastro y provincia de Uesca.
A suya población ye de 46 habitants (2010); en l'anyo 1877 bi heba 416 habitants.
A suya embotada ye "falconero", por a penya Falconera, an bi ha falcons.
Etimolochía
[editar | modificar o codigo]Mur, a radiz d'a on deriva "Morrano", significa montanya u elevación de forma conica.[1] Respective d'a terminación -ano, en a toponimia aragonesa (fácil que d'orichen ibero) se refiere a l'"alimento d'o bestiar".[2] Significaría asinas "montanya de l'alimento d'o bestiar".
Cheografía
[editar | modificar o codigo]Morrano ye situato a 640 metros d'altaria sobre o ran d'a mar, amán d'o río Alcanadre y rodiato por o norte y por l'ueste por dos monts clamatos o Carrascal y Sant Cristoforo, respectivament, tenendo amás amanato un pinar.
Se troba a una distancia de 40 km d'a ciudat de Uesca, a capital d'a suya provincia.
A vechetación d'a redolada ye de chinipros, carrascas, oliveras y almendreras. En os campos se cautiva trigo, hordio y atros cerials.
En a fauna bi ha vueitres, falcons, rabosas y chabalins.
Luenga d'o lugar
[editar | modificar o codigo]L'aragonés ya no se charra en o lugar, pero o castellano que se i charra mantién caracteristicas d'a luenga aragonesa. Bi ha caracteristicas de l'aragonés de o Semontano de Balbastro como o emplego d'os articlos o, os, a, as y o emplego d'o pronombre tos. Tamién se emplegan muitas palabras como pozal, olivera, hordio, etc. mezclatas con a parla castellana.
Historia
[editar | modificar o codigo]Seguntes Agustín Ubieto Arteta, a primera cita d'o lugar ye de 1093, recullita en a obra de José María Lacarra Documentos para el estudio de la reconquista y la repoblación del valle del Ebro, en Estudios de Edad Media de la Corona de Aragón, II (Zaragoza, 1946, pachinas 469-574), III (Zaragoza, 1947-1948, pachinas 499-727) y V (Zaragoza, 1952, pachinas 511-668), y documenta a variant Morraes.[3]
- En 1097 Pero, bispe de Uesca atorgó a o monesterio de Sant Ponz de Tomeras as ilesias de Labatiella, Morrano, Panzano y Yaso.
- En 1213 la proclamoron villa.
- En 1857 se chunen Yaso y Sant Román a Morrano.
- En 2013 se creya l'Asociación cultural y meyoambiental "Penya Falconera".[4]
Demografía
[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Molimentos
[editar | modificar o codigo]
- Ilesia de Sant Pero Apóstol, una ilesia en estilo romanico, encara que muit esviellata mientres os sieglos XVII y XVIII.
- Casa d'a Villa (anyo 1733)
- Futuro museu dedicau a las aves.[5]
- Ermita de Sant Martín de Morrano.
Veyer tamién
[editar | modificar o codigo]Vinclos externos
[editar | modificar o codigo]
Se veigan as imáchens de Commons sobre Morrano.- (es) Información de Morrano en a pachina web oficial municipal de Biarche.
Referencias
[editar | modificar o codigo]- ↑ (es) María Pilar Cambra Penalba: Topónimos alto aragoneses del Somontano.
- ↑ (es) Bienvenido Mascaray: Junzano, Morrano; articlo en o Diario del AltoAragón.
- ↑ (es) Ubieto Arteta, Agustín: Toponimia aragonesa medieval, Valencia, 1972, pachina 140.
- ↑ (an) Ha naixito en Morrano l'Asociación Penya Falconera, en Arredol.
- ↑ (es) Morrano contará con un museu dedicau a ro treballo fotografico d'o naturalista David Gómez Samitier, en Ronda Somontano.
| Lugars d'o municipio de Biarche | |
|---|---|
| Poblaus: As Almunias | Biarche | Morrano | Rodellar | Pedruel | Sant Román | Yaso Despoblaus: Bellanuga | Cheto | Letosa | Nasarre | Otín | Sant Póliz | Santatornil | O Vichar |
