Sistema sensorial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O sistema sensorial fa parti d'o sistema niervoso y ye o responsable de procesar a información sensorial. O sistema sensorial ye formato por receptors sensorials y partis d'o cerebro embrecatas en a recepción sensorial.

Dende tiempos d'Aristótil s'ha considerato que a vista, a oida, o tacto, o gusto y l'olfacto yeran os cinco sentitos d'os humans, pero actualment se sabe que a especie humana tamién disposa d'atros sentitos que, entre atros, contrebuyen a mantener o equilibrio u transmiten información sobre l'interior d'o propio cuerpo.^[1]

Sistemas sensorials

Os prencipals sistemas sensorials son:

A vista.
A oída, ye o sentiu por o cual se perciben os sonitos. Ista percepción constituye l'audición y se fa a traviés de l'organo de l'oyiu, a suya parte visible ye a orella.
O tacto.
O gusto, que consiste en a capacidat de detectar substancias que se troban en a boca a traviés d'as papilas gustativas que se troban en a luenga, procedents a sobén d'os alimentos u d'as bebidas. A traviés d'o sentiu d'o gusto se produz o sabor, chunto con l'olfacto, que ye la sensación que produz l'alimento u la bebida en a boca. A suya parte mas visible ye a luenga a on i son as papilas gustativas.
L'olfacto, ye o sentiu encargau de detectar y procesar as olors. Ye un sentiu quimico, en que actúan como estimulants as particlas aromaticas u odoriferas que salen d'os cuerpos volatils. L'olfacto ye important en a percepción d'o sabor chunto a o gusto, y suya parte visible ye o naso.