Tuaregs
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Tuaregs ⴾⵍⵜⵎⴰⵣⵗⵜ | |||||||||||||||
---|---|---|---|---|---|---|---|---|---|---|---|---|---|---|---|
![]() | |||||||||||||||
| |||||||||||||||
Luengas tuaregs: tamasheq, tamajeq, tamahaq | |||||||||||||||
Sunnismo | |||||||||||||||
Siwís, zenagas, cabilenyos, moros d'o Sahara | |||||||||||||||
![]() Aria con poblacions tuaregs importants |
Los tuaregs[1] (en luenga tuareg ⴾⵍⵜⵎⴰⵣⵗⵜ) son un grupo etnico habitador de lo Sahara que charran una luenga u unas luengas propias afins adintro de la familia berber, con un modo de vida tradicional de pastors nomadas, con una organización social en castas y practicants de la relichión musulmana.
Historia
[editar | modificar o codigo]La destrucción de l'Imperio Songai por part de los refuchiaus andaluces leyals a Marruecos permitió a bels tuaregs d'ocupar territorios mes enta lo sud, como los iulimiden en la rechión de Gao, que mientres lo sieglo XVIII facioron liga con la tribu clerical kunta y plegoron dica o norte de Timbuctú. La mes gran part de los kunta yeran a fins de lo sieglo XVIII de la confrairía sufí de la Qadiya.[2]
Los tuaregs han sufriu las consecuencias de la descolonización, quedando dividius en diferents estaus postcolonials en los que s'ha pretendiu a suya sedentarización y a suya movilidat a traviés de las mugas.
En Archelia la explotación de lo petrolio y gas natural de lo Sahara permitió una millora economica y que bels tuaregs se sedentarizasen. Esto y una sequera entre los anyos 1968 y 1974 en lo sud de lo Sahel fació que la mes gran part de los tuaregs d'archelia optasen por una vida urbana. Las sequeras de los anyos 1982 y 1985 facioron venir a Libia y Archelia muitos tuaregs dende Malí y Nícher. Muhammab Gaddafi fació entrenar militarment bels tuaregs pa empentar lo prochecto una republica tuareg.
En l'anyo 1987 los gubiernos de Nícher y Mali convidoron a tornar-se-ne a los tuaregs, pero no lis permitioron continar con o suyo modo de vida y los trancoron en campos de concentración. En Nícher l'exercito fació una mortalera de tuaregs en Tchin Tarabadene, y estió enchaquia d'una revuelta en l'anyo 1990 que sería esclafada.
La revuelta Tuareg s'estendilló a la compleganza de lo río Nícher y a las ciudaz de Gao y Timbuctú, lo gubierno fació mortaleras de mils de tuaregs, lo que fació fuyir a centenars de mils de tuaregs ta Mauritania y Archelia. En l'anyo 1991 se fació l'alcuerdo de Tamanrasset entre lo gubierno de Mali y cuatre grupos tuaregs que permitiba un autogubierno en Adrar. Manimenos no remató la revuelta tuareg, ni tampoco atro alcuerde que se fizo dimpués de la revolución de 1992 que bi habió en Mali.
En l'anyo 2012 los tuaregs de Mali han formato lo Estau Independient d'Azawad.
Referencias
[editar | modificar o codigo]- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ Sellier, Jean. Atlas de los pueblos de Europa Occidental. Editorial Paidós.
Bibliografía
[editar | modificar o codigo]- (es) Gonen, Amiram. Diccionario de los pueblos del mundo. Editorial Anaya, 1996. ISBN 978-8479793500.