Ecografía

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A ecografía^[1] ye un procedimiento de diagnostico emplegau en os hespitals y clinicas que emplega l'ultrasón pa creyar imáchens bidimensionals u tridimensionals. Un chicot traste muit semellant a un microfono clamau transductor emite ondas d'ultrasons. Istas ondas sonoras d'alta frecuencia se transmiten enta l'aria d'o cuerpo baixo estudio, y se recibe lo suyo eco. O transductor ye lo responsable de ninviar chicoz pulsos d'ondas acusticas d'alta frecuencia, inaudibles per o sentiu humán as cuals van enta l'interior d'o cuerpo. Istas rebotarán sobre organos, teixius u fluidos y l'aparato rechistrará os cambios minimos d'o soniu. Un ordinador converte iste eco en una imachen que amaneix en a pantalla. Iste proceso ocurre gracias a lo clamau efecto piezoelectrico.

En comparanza con atras modalidaz d'imáchens medicas, a ecografía tien cuantas avantallas. Proporciona imáchens en tiempo real, ye portatil y, per tanto, se puede levar chunto a lo leito. Tien un costo substancialment mas baixo que atras estrategias d'imáchens y no fa servir radiación ionizant nociva. Os inconvenients incluyen cuantas buegas en o suyo campo de visión, a necesidat de cooperación d'o pacient, a dependencia d'o fisico d'o pacient, a dificultat pa obtener imáchens d'estructuras enfoscadas per uesos, aire u gases, y la necesidat d'un operador cualificau, per un regular con capacitación profesional. A resultas d'istos inconvenients, as implementacions novedosas d'ecografía portatils son ganando popularidat. Istos dispositivos en miniatura monitorian de contino os signos clinicos y alertan debant de l'aparición de sinyals tempranos d'anormalidat.^[2]

Referencias

↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
↑ (en) Srivastav, A.; Bhogi, K.; Mandal, S.; Sharad, M. (Aug 2019). "An Adaptive Low-Complexity Abnormality Detection Scheme for Wearable Ultrasonography". IEEE Transactions on Circuits and Systems. 66 (8): 1466–1470.

Datos: Q234904
Multimedia: Medical ultrasound / Q234904

[1] (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.

[2] (en) Srivastav, A.; Bhogi, K.; Mandal, S.; Sharad, M. (Aug 2019). "An Adaptive Low-Complexity Abnormality Detection Scheme for Wearable Ultrasonography". IEEE Transactions on Circuits and Systems. 66 (8): 1466–1470.

[1]

[2]