Erwin Rommel
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
.svg){kind=small}
.svg){kind=small}
.svg){kind=small}
Erwin Johannes Eugen Rommel (dito a vegatas A rabosa d'o disierto), naixito de Heidenheim an der Brenz (Reino de Wurttemberg, Imperio Alemán, hue en Baden-Wurtemberg, Alemanya) o 15 de noviembre de 1891 y muerto en Herrlingen (un lugar de Blaustein, Tercer Reich, hue en Baden-Wurtemberg, Alemanya) o 14 d'octubre de 1944, estió un destacato militar alemán, que partecipó en a Primera Guerra Mundial destacando-ie por a suya partecipación en a batalla de Caporetto contra l'Exercito italiano, a on se basoron as suyas teorías que desembolicó en a practica en a Segunda Guerra Mundial, a on plegó dica o ran de Generalfeldmarschall en as filas d'a Wehrmacht d'o Tercer Reich.
En a Segunda Guerra Mundial, desembolicó as tacticas d'emplego d'os tanques en 1940 mientres a batalla de Francia (encluyendo-ie a batalla d'Arras) con a suya 7ª División Panzer, encara que estió en a Campanya d'Africa d'o Norte contra l'Exercito britanico mandando en primeras o Deutsches Afrika Korps y dimpués o Grupo d'Exercitos Afrika cuan desembolicó as potencialidaz d'ista traza nueva de guerra en un escenario marcato por o disierto. En ista campanya destacoron as batallas d'a Operación Crusader, batalla de Gazala (con a batalla de Bir Hakeim), a primera batalla d'El Alamein, a batalla d'Alam Halfa, a segunda batalla d'El Alamein, a batalla de Medenine y a batalla d'o paso de Kasserine (ista zaguera contra l'Exercito estausunidense que heba desembarcato en as colonias francesas de Marruecos y Alcheria). Antiparte, luego de reblar os alemans en Africa d'o Norte, estió a o cargo d'a puesta a punto d'as esfensas d'o Muro de l'Atlantico en Europa ta prebar d'evitar una invasión d'os Aliaus, partecipando en a batalla de Normandía cuan ixe desembarco se fació.
Por os suyos contactos con a resistencia alemana a o nazismo y con os responsables de l'atentato d'o 20 de chulio de 1944, Hitler ordenó a suya muerte, pactando-se o suyo suicidio y ocultando-se a la opinión publica alemana as verdaderas causas d'a suya muerte.
Vinclos externos
[editar | modificar o codigo]
Se veigan as imáchens de Commons sobre Erwin Rommel.
| Predecesor: General der Kavallerie Georg Stumme |
Comandant en Cabo d'a 7ª División Panzer 5 de febrero de 1940 - 15 de febrero de 1941 |
Succesor: General der Panzertruppen Hans Freiherr von Funck |
| Predecesor: Creyación d'a unidat |
Comandant en Cabo d'o Deutsches Afrika Korps 19 de febrero de 1941 - 15 d'agosto de 1941 |
Succesor: Generalleutnant Ludwig Crüwell |
| Predecesor: Creyación d'a unidat |
Comandant en Cabo d'o Grupo d'Exercitos Afrika 15 d'agosto de 1941 - 9 de marzo de 1943 |
Succesor: Cheneral Hans-Jürgen von Arnim |
| Predecesor: Creyación d'a unidat |
Comandant en Cabo d'o Grupo d'Exercitos B 15 de chulio de 1943 - 19 de chulio de 1944 |
Succesor: Generalfeldmarschall Günther von Kluge |
| Control d'autoridaz |
|
|---|
Datos: Q14060- Multimedia: Erwin Rommel / Q14060