Kotlin

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Kotlin.

Kotlin ye un luengache de programación de proposito cheneral, multiplataforma y multiparadigma. A suya caracteristica mas destacada ye contar con inferencia de tipos. Ye disenyau pa poder interoperar de tot con Java tanto con a librería de clases de Java como con a maquina virtual de Java (JVM). Gracias a l'imferencia de tipos, a suya sintaxi ye mas concisa que la de Java.

Amás de JVM, Kotlin tamién puede compilarse a JavaScript (per eixemplo pa aplicacions web) u a codigo nativo pa iOS u Android.

Kotlin ye desembolicau sobretot per l'interpresa JetBrains en as suyas oficinas de Sant Petersburgo (Rusia). Lo suyo nombre promana d'a isla de Kotlin, situada amán de Sant Petersburgo.

Mascota de Kotlin.

Lo 7 de mayo de 2019, Google anunció que lo luengache de programación Kotlin ye agora lo suyo luengache preferiu pa os desembolicadors d'aplicacions d'Android. Dende o lanzamiento d'Android Studio 3.0 en octubre de 2017, Kotlin s'ha incluyiu como una alternativa a lo compilador stándard de Java.

Ola mundo

Iste programa en Kotlin s'escribe:

fun main() {                         
    println("Ola mundo!")           
}

Vinclos externos

• Pachina web oficial d'o luengache de programación Kotlin

• Datos: Q3816639
• Multimedia: Kotlin (programming language) / Q3816639