Lucien Briet

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lucien Briet
Información personal
Calendata de naixencia	2 de marzo de 1860
Puesto de naixencia	París
Calendata de muerte	4 d'agosto de 1921
Puesto de muerte	Charly-sur-Marne
Ocupación	Escritor y esplorador

Lucien Henri César Briet (París, 2 de marzo de 1860 - †Charly-sur-Marne, 4 d'agosto de 1921) estió un escritor, fotografo, explorador y pireneista francés.

Recorrió lo Pireneu aragonés y contribuyó a espandir muitos puestos d'iste, especialmén a val d'Ordesa que conoixió en 1881. As suyas obras contribuyoron a amostrar a necesidat d'a creyación d'o Parque Nacional d'Ordesa.

Beluns d'os suyos treballos destacatos sobre o Pireneu aragonés nos fablan d'o macizo de Marmorés, a Penya Montanyesa, a sierra de Guara, os congostos d'Entremont y d'o río Vero, a val de Vió, o río Flumen, o salto de Rolando u Bielsa. Muitos d'istos escritos, a mayor parti cuadernez manuscritos, chunto con fotografias d'istos puestos (unas 1.600 imáchens), se troban en o Museu d'os Pireneus de Lorda. Important tamién ye o suyo libro Bellezas del Alto Aragón (Bellezas de l'Alto Aragón) publicato en Uesca en 1913 an conta as suyas gambadas por Ordesa, a val de l'Ara, Escuaín, Bielsa u Mascún.

Actualment en Sobrarbe a comarca organiza anyalmén un certamen fotografico, con o tema d'o patrimonio cultural d'ista comarca, que leva o nombre de Lucien Briet y en a dentrada d'a val d'Ordesa bi ha un molimento en memoria d'o explorador francés.