María de Montpeller

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

María de Montpellier
Reina consort d'Aragón
Reina consort d'Aragón
15 de chunio de 1204 - 18 d'abril de 1213
Predecesor	Sancha de Castiella y Polonia
Succesor	Alionor de Castiella y d'Anglaterra
Naixencia	c. 1180
Muerte	18 d'abril 1213 Roma
Enterreco	Antiga basilica de San Pedro
Conchuche/s	Pero II d'Aragón
Descendencia	Matilde Petronila Chaime I d'Aragón
Pai	Guillén VIII de Montpeller
Mai	Eudoxia Comnena

María de Montpellier, (c. 1180 - Roma 18 d'abril 1213), fue una noble que estió reina consort d'Aragón por o suyo matrimonio con o rei Pero II d'Aragón. Yera filla de Guillén VIII de Montpeller y Eudoxia Comnena de Constantinoble.

Muller de Pero II d'Aragón, con qui se casó o 15 de chunio de 1204. Se tractó d'un matrimonio aforzau por os intreses creyaus en o Meyodía francés y que cuasi creyó una crisi succesoria. Ta poder quedar embarazada, María se ficó a escuras en o leito en cuan o suyo hombre heba de veyer-se con a suya amant. Fruito d'ixe inte naixió o prencipe Chaime, futuro Chaime I d'Aragón.

Antis d'o matrimonio con Pero II estió casada con Barral, vizconte de Marsiella. En 1197 enviudó y su pai la cedió a Bernardo IV, conte sobirán de Cominches, ta aluenyar-la de Montpeller y ceder o suyo herencio a su chermanastro, Guillén IX de Tolosa. D'iste matrimonio naixioron dos fillas, Matilde y Petronila.

Repudiada en 1201, poco antis d'a muerte de su pai, o conte Bernardo IV de Cominches se divorció de María d'alcuerdo con Pero II d'Aragón, ta que iste heredase a sinyoría de Montpeller a cambeo de cuantas sinyorías en o Luengadoc. María recurrió a o Papa ta dexichir a sobiranía de Montpeller alegando a ilechitimidat d'o chermanastro suyo. Asinas, Pero II se fació con Montpeller forachitando a Guillén IX d'a ciudat en 1204.

O matrimonio aprebó alavez importants privilechios ta l'autonomía comunal. Pero II miró divorciar-se d'ella ta casar-se con María de Montferrato, por o que María de Montpeller marchó enta Roma ta demandar chusticia a o Papa. Estando en a ciudat de Roma, moriba en abril de 1213.

Vinclos externos

• Se veigan as imáchens de Commons sobre María de Montpeller.

• Datos: Q268731
• Multimedia: Marie of Montpellier / Q268731