Mochuelo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Mochuelo d'a especie Athene noctua.

Mochuelo (localment, tamién «mochuel») u muchuelo ye una denominación popular ta bellas especies d'aus rapinyaderas en a orden Strigiformes, de mida chiqueta y cabeza en comparanza muit gran, con uellos de pupila redondeta y iris amarellisco, y con o cuerpo de color marrón con piquetas muit conspicuas que alternan a color marrón con o blanco. Mostran hábitos mas diurnos que no altras especies d'Strigiformes, per lo que se fa mas fácil albirar-los de dias. Prefieren espacios mas obiertos, sin de tantos árbols como en altras especies, y pernoctan en foratos d'os troncos, en parez d'edificacions humanas (y dica en poblatos) y dica en cados albandonatos d'altros animals. O termino «mochuelo» se gosa aplicar a las Strigiformes de mida mas chiqueta.

Zoonimia

En tot Aragón predomina la denominación con formas como «mochuelo» y «muchuelo», conoixendo-se en Sobrarbe a forma que pierde a vocal final atona y queda como «mochuel». Formas emparentadas con o catalanismo lexico «mussol» s'han puesto trobar aleatoriament en diferents lugars d'a val de Benás («músol» en Sarllé, «musol» en Benás) y en a baixa Ribagorza; «muzol» y «muixol» en Caixigar y «muzol» en La Poblla de Roda. Istas formas se fa platero que s'han de considerar formas estrictament orientals.

Imáchens

• 
  Athene noctua en comparanza con un ser humano
• 
  Eixemplar chovenil
• 
  En una borda
• 
  Aegolius funereus
• 
  Athene brama
• 
  Glaucidium brasilianum
• 
  Athene noctua
• 
  Athene cunicularia

Se veiga tamién

• Crabero
• Babieca
• Bubón
• Au rapinyadera

Referencias

• Datos: Q9033873