Patio
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo tracta sobre o concepto de patio mas común en l'Alto Aragón. Ta atros usos d'a parola patio se veiga Patio (desambigación).
En l'Alto Aragón, o patio ye a planta baixa d'a casa que queda, de regular, a ran d'a carrera y ye por ixo por aon que s'accede enta la vivienda. En cheso y en ansotano recibe o nombre de solero.[1][2] En as casas antigas, o patio se construiba con una vuelta de mampostería a modo de teito que feba mas firme a estructura d'a vivienda que se troba alto.
O patio teneba tradicionalment as funcions d'almagazén y de distribuidor entre a puerta principal y as diferents cambras de fayena d'a casa que, por condicions climaticas u creyencias, no se podeba meter en o mesmo espacio aon que habitaban as personas, pero tampoco guaire leixos. Como eixemplo, a traviés d'o patio se puede pasar ta la bodega u ta o reposte, que amenistan estar mas frescos que a resta d'a casa, pero tamién ta la cuadra u ta las zolles aon que se meteba os animals, pos a tradición consellaba tener a cualques animals (notablement as vacas) guardatos contra a fredor y por tanto adintro de l'edificio, y a la vegada s'aprofitaba o vafo y a calor que dimana d'os suyos cuerpos pa, de conchuntas con o calivo d'a cocina, contrubuir a calentar a casa que ye alto.
Referencias
[editar | modificar o codigo]- ↑ DÍAZ ROZAS, Manuel, Apuntes de Lengua Chesa. Aladrada ediciones, 2013. ISBN 978-84-940886-1-2
- ↑ BARCOS, Miguel Ánchel, El Aragonés Ansotano: estudio lingüístico de Ansó y Fago; Institución «Fernando el Católico» + Gara d'Edizions, 2007. ISBN 978-84-8094-058-0
