საქართველო და სომხეთი ამზადებენ უფრო მიმზიდველ ტურისტულ შეთავაზებებს

ერევანი, 24 ივნისი, არმენპრესი․ სომხურ-ქართული კულტურული და კულინარიული ფესტივალის ფარგლებში ერევანში გაიმართა ტურიზმის ბიზნეს ფორუმი, რომელშიც მონაწილეობდნენ ორი ქვეყნის სხვადასხვა ორგანიზაციები. ფორუმის დროს მხარეები შეთანხმდნენ შექმნან ერთობლივი სამუშაო ჯგუფი არსებული გადაუდებელი საკითხების გადასაჭრელად.

„არმენპრესის“ ინფორმაციით, ფესტივალის მონაწილეებს მიეცათ საშუალება სასარგებლო და სასიამოვნო გაეერთიანებინათ, გაცნობოდნენ სომეხი და ქართველი ხალხების კულტურული მემკვიდრეობის ზოგიერთ მახასიათებლებს, ეროვნულ სამზარეულოებს, ტურისტული კომპანიების შეთავაზებებს, ჩამოეყალიბებინათ საქმიანი კავშირები, განეხილათ თანამშრომლობის განვითარების პერსპექტივები და მის ხელშეწყობაზე მიმართული ნაბიჯები.

ტურიზმის სომხეთის ფედერაციის პრეზიდენტმა მეხაკ აპრესიანმა ჟურნალისტებთან საუბრისას აღნიშნა, რომ მსგავსი ღონისძიებები შესანიშნავი შესაძლებლობაა კონტაქტების გასაღრმავებლად, პრობლემების ხაზგასასმელად, მათი გადაწყვეტის განსახილველად და ასევე ერთობლივი შეთავაზებების მოსამზადებლად.

„თანამშრომლობისთვის ძალიან კარგი პლატფორმაა. ფესტივალის ფარგლებში ვაწყობთ ბიზნეს ფორუმებს, სადაც ტურისტული სექტორის წარმომადგენლები ერთად განიხილავენ სომხურ-ქართული რეგიონალური ტურისტული პაკეტების ფორმირების საკითხებს, მიზნად ისახავენ შექმნან უფრო კონკურენტუნარიანი, მიმზიდველი და პრეზენტაბელური შეთავაზება, რომლის გლობალურ ბაზარზე რეკლამირება და დაწინაურება შესაძლებელი იქნება“, - აღნიშნა მეხაკ აპრესიანმა.

მან აღნიშნა, რომ ამ წელს ერთობლივი პაკეტების ფორმირების გარდა, კონფერენციაზე განიხილეს სომხეთსა და საქართველოს შორის ტურისტული ვიზიტების გააქტიურების, ორი ქვეყნის კულტურული მემკვიდრეობის შენარჩუნების და სათანადო წარმოდგენის, კულტურული დიალოგის განვითარების საკითხები.

ასევე მნიშვნელოვანი იყო ტურისტებისთვის მიწოდებული მომსახურების ხარისხის სტანდარტების განსაზღვრა და თანმიმდევრული გაუმჯობესება. განსაკუთრებული ყურადღება დაეთმო საზღვრის გადაკვეთის პროცესების გამარტივებას და აჩქარებას, რაც საერთაშორისო ტურიზმის განვითარების მნიშვნელოვანი ფაქტორია. ასევე არანაკლებ მნიშვნელოვანია ტურისტული გიდების პროფესიული მომზადების განვითარება და მათი ლიცენზირება.

„სომხეთში და საქართველოში უკვე დაწყებულია ლიცენზირების პროცესი. მაგალითად, ტურისტული გიდისგან მოითხოვება პატივისცემით მოეპყროს სომხურ და ქართულ ისტორიულ-კულტურულ მემკვიდრეობას, არ გაავრცელოს დეზინფორმაცია ამ საკითხთან დაკავშირებით. ეს პრობლემა წარვადგინეთ ჩვენს შესაბამის ორგანოებში, რათა სტანდარტების შემუშავების დროს ეს გაითვალისწინონ“, - თქვა ტურიზმის სომხეთის ფედერაციის პრეზიდენტმა.

მან ასევე აღნიშნა, რომ კონფერენციის დროს შეთანხმდნენ ერთობლივი სამუშაო ჯგუფის შექმნაზე, რომელშიც მონაწილეობას მიიღებენ სახელმწიფო და კერძო სექტორების წარმომადგენლები, რათა გადაჭრან გაჟღერებული საკითხები. გათვალისწინებულია, რომ ერთობლივი სამუშაო ჯგუფის წევრები შეხვდებიან სომხურ-ქართული საზღვარზე და ადგილზე განიხილავენ საზღვრის გადაკვეთის პროცესების გამარტივების შესაძლებლობას.