نقابة المحامين

نقابة المحامين
البلد	مصر

نقابة المحامين موجودة بالقاهرة فى شارع رمسيس . وليها مجلس يرأسه نقيب المحامين. ولها فروع نقابات بالمحافظات عشان تخدم المحامين وتساعدهم وكل نقابة فرعية ليها مجلس ورئيس نقابة. وللنقابة جمعية عمومية مكونة من كل المحامين اللى اسمهم متقيد بالجداول .. والجمعية العمومية هيه اللى بتنتخب مجالس النقابة بس مش من حق المحامين الجزئيين اللى تحت التمرين ينتخبوا اعضاء مجالس النقابة إلا بعد سنتين لمّا يتنقلوا لجدول المحامين الابتدائي.

والمحامى فى قانون المحاماة وبتلزمه بأنه يكون امين على مصالح الناس اللى بيوكلوه فى قضاياهم..ويتعامل مع المحاكم والحتت الرسمية اللى بيقف قدامها باحترام

نقيب المحامين الحالى عبد الحليم علام نقيب محامين الجيزة وكسب الانتخابات من اللى قبله و هو محامى نقض اسمه:سامح عاشور.

تاريخ النقابة

نقابة المحامين حاجة جديدة على مصر لأن رئيس محكمة الاستئناف كان بيعين كتبة بيقدموا له طلب عشان يتوكلوا عن الخصوم ومكنش ضرورى مؤهل دراسى ولا انه لحد بيعرف القراية والكتابة لكن مع السنين اتعملت نقابة وصدرت قوانين تنظم اشتغال المحامين. ومين يبقى محامى وشروطه واللى عليه من واجبات واللى ليه من حقوق.

والنقابة كانت دايما تتدخل فى سياسة البلد وهموم الجماهير .. وعشان كده بعض الناس بيعتبروها قلعة الحقوق ..وفيه ناس تانية رافضة تدخلها لانه بياثر على شغل المحامين ومصالح الناس.. لأن المحامى دوره الدفاع عن مصالح افراد مش مصالح المجتمع كله..

نقباء المحامين

1. ابراهيم الهلباوى (أول نقيب للمحامين)
2. عبد العزيز فهمى
3. محمود أبو النصر
4. احمد لطفي
5. مرقس حنا
6. محمد ابوشادى
7. محمد حافظ رمضان
8. محمود بسيوني
9. محمد نجيب الغرابلي
10. مكرم عبيد
11. كامل صدقى باشا
12. محمد على علوبة
13. عبد الحميد عبد الحق
14. كامل يوسف صالح
15. محمود فهمى جندية
16. عمر عمر
17. محمد صبرى ابو علم
18. عبد الفتاح الشلقاني
19. عبد الرحمن الرافعى
20. مصطفى البرادعى
21. عبد العزيز الشوربجي
22. أحمد الخواجة
23. سامح عاشور
24. حمدى خليفة
25. رجائى عطيه

شوف كمان

• نقابة المحامين من موسوعة جوريسبيديا Archived 2010-09-25 at the Wayback Machine