ثوره

ثوره
صراع

الثوره كمعنى سياسى هيا الخروج عن الوضع الحالى الى وضع أحسن او أوحش من الوضع الموجود حاليا. وللثوره تعريفات كتيره لكن تتلخص فى تعريفين واحد قديم و واحد حديث.

التعريف التقليدى القديم: التعريف ده برز من خلال انطلاق شراره الثوره الفرنساويه العظيمه المشهوره جدا وهوا قيام الشعب بقيادة مجموعات مثقفه واعيه لتغيير نظام الاتحكم بالقوه. واتطور المفهوم ده على أيد الماركسيين عن طريق تعريفهم للمجموعات اللى بتقود الشعب انهم طبقة قيادات العمال وسموهم البرولتياريا.

التعريف الحديث المعاصر: هوا التغيير اللى بيعمله الشعب من خلال ادوات معينه زى الحيش مسلن او من خلال شخصيات مشهورة معروفه للشعب عشان تحقق طموحاته لتغيير نظام الاتحكم اللى مش قادر يلبى طموحات ومطالب شعبه. وفيه كمان مفهوم شعبى دراج للثوره وهوا الأنتفاض ضد الاتحكم الظالم, وممكن تكون الثوره شعبيه زى الثوره الفرنساويه سنة 1789م وزى ثورات أوربا الشرقيه فى سنه 1989 وثوره أوكرانيا اللى اتشهرت باسم الثوره البرتقاليه فى نوفمبر 2004. كمان فيه ثورات عسكريه ودى بتتسمه الانقلابات العسكريه ومعناها ان واحد من العسكريين يقوم بالقفز على السلطه عن طريق قلب نظام الاتحكم وده فى حالات كتير بيكون طمعان فى السلطه عشان يحقق مكاسب شخصيه والأنقلابات دى كترت فى دول امريكا اللاتينيه فى فترة الخمسينات والستينات وكمان ممكن تكون حركه مقاومه ضد المستعمر زى الثورة الجرائريه(1954-1962).

الثورات ظاهره مهمه فى تاريخ الشعوب الانسانيه والتاريخ بيدل على كده وغيرت الثورات مجريات الحياه لشعوب كتيرة. فيه حكومات كتيره أطاحت بيها الثورات وجابت حكومات جديده على أمل تحقيق مطالب معينه. معظم الثورات بيقوم بيها الشعب ضد الحكام المستبدين او ضد طبقة حاكمة مش بتمسل كل طبقات شعبها.

من أهم الثورات على مدار التاريخ

• الثوره الفرنساويه.
• الثوره الروسيه 1917
• الثوره الامريكيه.
• الثورة البرتقاليه الأوكرانيه.
• ثوره 1919 المصريه.
• الثوره الجزائريه ضد المستعمر.
• ثورة 23 يوليه فى مصر سنه 1952.
• الثوره الإيرانيه.
• ثورة 25 يناير