ريناتا تومانوڤا كسبت لقب فردى البنات فى بطولة فرنسا المفتوحة سنة 1972 . سنة 1975 ، مثلت هيا و مارتينا ناڤراتيلوڤا تشيكوسلوفاكيا فى كأس الاتحاد ، مسابقة فرق الستات الدولية. كسبو الكأس بعد فوزهم على المنتخب الأوسترالى 3-0 فى نهائى المجموعة العالمية.[2] بين 1975 و 1981 ، لعبت 18 ماتش لفريق تشيكوسلوفاكيا و جمعت 20-7 سجل فوز و خسارة. فى مايو 1975 ، كسبت بلقب الفردى فى بطولة المانيا الغربية فى هامبورج بعد نهائى من 3 مجموعات ضد كازوكو ساواماتسو . سنة 1976 ، وصل تومانوفا لنهائى الفردى فى بطولة فرنسا المفتوحة وبطولة اوستراليا المفتوحة . خسرت فى بطولة فرنسا المفتوحة قدام سو باركر 6-2 ، 0-6 ، 6-2 وفى بطولة اوستراليا المفتوحة قدام ايفون جولاجونج 6-2 ، 6-2. ريناتا تومانوڤا وصلت كمان نهائى الزوجى للستات فى بطولة اوستراليا المفتوحة مع ليزلى تورنر بوى ، و خسرت قدام جولاجونج وهيلين جورلاى كولى .
فى مايو 1977 ، وصلت نهائى بطولة ايطاليا المفتوحة ، وخسرت قدام جانيت نيوبيرى . سنة 1978 ، ريناتا تومانوڤا تعاونت مع بيتسى ناجيلسن للفوز بلقب زوجى الستات فى بطولة اوستراليا المفتوحة ، و هزمت ناوكو ساتو وبام ويتكروس فى النهائى 7-5 ، 6-2. مع مواطنتها بافيل سلويل ، كسبت بلقب الزوجى المختلط فى بطولة فرنسا المفتوحة سنة 1978 . ڤيرا سوكوڤا دربت ريناتا تومانوڤا .