.ast
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
.ast ye'l dominiu d'Internet que reivindica una bona parte del movimientu pola defensa de la llingua asturiana pa que les páxines n'asturianu tengan el so propiu dominiu na rede. El nome vien del códigu internacional ISO 639-2 que correspuende a la llingua asturiana. Pel momentu, les campañes al rodiu del .ast son testimoniales y minoritaries, y céntrense en poner banners reivindicativos nes páxines web.
Al principiu de la campaña intentóse reivindicar el dominiu .as. Anque ye posible qu'un dominiu d'internet nun coincida col códigu de llingua, descartóse esti dominiu por coincidir col de la llingua asamesa.
A entamos del mes de xineru de 2007 ñaz una Asociación que pretende acomuñar a tol movimientu, nomada Asociación PuntuAst, que yá lleva más de 60 sofitos.