AE Aquarii
Coordenaes: 20h 40m 9.16s, -0° 52′ 15.057″
AE Aquarii (AE Aqr / HIP 101991 / GCRV 71273) ye una estrella variable na constelación d'Acuariu asitiada a 332 años lluz del Sistema Solar. Ye una estrella binaria interactuante, onde esisti tresferencia de masa ente los dos componentes, una nana blanca y una estrella naranxa; gas procedente d'ésta última cai n'espiral escontra la nana blanca y calezse, produciendo una emisión de rayos X blandos. De resultes, AE Aquarii ye una variable cataclísmica qu'esperimenta cambeos impredicibles nel so rellumu, que varia ente magnitú aparente +10,40 y +12,56. El periodu orbital del sistema ye de 9,89 hores.
En 2005 y 2006, observaciones llevaes a cabu col satélite Suzaku dieron a conocer que la nana blanca d'AE Aquarii emite pulsos de rayos X duros a midida que xira sobre la so propia exa; estos pulsos coinciden col so periodu de rotación de 33 segundos. Esti comportamientu ye similar al del Pulsar del Cámbaru y el mecanismu que da orixe a los pulsos provién del fuerte campu magnéticu de la estrella compacta. Delles nanes blanques como AE Aquarii xiren bien rápido y tienen campos magnéticos millones de vegaes más fuertes que'l de la Tierra. Piénsase qu'estos campos magnéticos prinden partícules cargaes que depués unvien al espaciu a velocidaes cercanes a la de la lluz. Cuando les partícules interactúan col campu magnéticu, irradien rayos X.
AE Aquarii constitúi'l primer casu onde una nana blanca pórtase como un púlsar. Puesto que los púlsares son conocíos como fontes de rayos cósmicos, el peculiar comportamientu d'AE Aquarii suxer que les nanes blanques pueden contribuyir en gran midida a la creación de rayos cósmicos de baxa enerxía en nuesa galaxa.
Referencies
[editar | editar la fonte]- ↑ 1,0 1,1 Afirmao en: SIMBAD.
- ↑ 2,0 2,1 2,2 2,3 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
- ↑ Afirmao en: Catalogue of Stellar Photometry in Johnson's 11-color system. Llingua de la obra o nome: inglés. Data d'espublización: 2002.
- ↑ Afirmao en: VizieR. Llingua de la obra o nome: inglés.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi: .
- ↑ «Starspots» (n'inglés). The Astronomy and Astrophysics Review (3): páxs. 251-308. 2 mayu 2009. doi: .
- AE Aquarii (SIMBAD)
- White Dwarf Pulsies Like a Pulsar (enllaz rotu disponible n'Internet Archive; ver l'historial y la última versión). (NASA)