Dames
Dames ![]() | ||
---|---|---|
![]() | ||
Xéneru |
deporte individual (es) ![]() ![]() | |
Subxéneru |
deporte mental (es) ![]() | |
Prauticáu por |
jugador de damas (es) ![]() | |
Emplega |
tablero de damas (es) ![]() | |
[editar datos en Wikidata] |
Les dames ye un xuegu de mesa pa dos contrincantes. El xuegu consiste en mover les pieces en diagonal al traviés de los cuadros prietos d'un tableru de axedrez col enfotu de prindar (comer) les pieces del contrariu saltando percima d'elles.
Historia
[editar | editar la fonte]Topáronse nueves evidencies d'un xuegu asemeyáu del antiguu Exiptu nos primeros sieglos enantes de la era común.[1] El so orixe exipciu allúgase hasta'l 1600 e.C.. Esta idea foi refutada pol holandés Govert Westerveld col so llibru de 2004.
Tamién hai constancia arqueolóxica d'un tipu de pieces estremaes en dos colores que pudieron usase pa xugar a les dames y qu'asitiaríen el xuegu na antigua Persia. Estes idees refutáronse afechiscamente pol historiador del xuegu de dames, l'holandés Govert Westerveld.
La opinión xeneralizada ye que les dames surdieron de xugar nun tableru d'axedrez, el xuegu del alquerque (asemeyáu al trés en raya). Tanto les dames como l'alquerque, teníen doce pieces por xugador.
Nun esiste consensu nel llugar d'orixe, magar que xeneralmente asítiase ente España y Francia. Dellos escritores como Harold James Ruthven Murray creen que l'orixe de les dames data del 1100 de la era común, probablemente del sur de Francia. Al paecer, el xuegu viaxó dende Valencia (España) a Provenza (Francia). Govert Westerveld refuta esta hipótesis y axusta la fecha en 1495 en Valencia.
Nel añu 1100 el xuegu denomábase ferses, el nome que se-y daba a la reina nel axedrez nesos tiempos. Indicar que les pieces nes dames muévense como lo facía la reina nel axedrez de la dómina. El nuevu movimientu qu'introduxo esti xuegu foi l'habilidá de saltar sobre les pieces del contrariu y prindales. Nesi momentu'l xuegu pasó a ser conocíu como fierges. Estes teoríes foron refutaes por Govert Westerveld y José Antonio Garzón Roger que consideren que'l xuegu de les dames, ye un inventu español del añu 1495 atribuyíu al xudeuconversu Francesch Vicent de Valencia.